Eid Par Basyar Khori Se Ijtinab Zaroori - Article No. 2854

Eid Par Basyar Khori Se Ijtinab Zaroori

عید پر بسیار خوری سے اجتناب ضروری - تحریر نمبر 2854

اگر عید کے ایّام میں آپ نے کھانے پینے کے دوران مذکورہ بالا احتیاطی تدابیر اختیار کیں، بد پرہیزی سے اجتناب برتا، تو ان شاء اللہ تعالیٰ آپ کا نظامِ ہاضمہ ٹھیک اور آپ تندرست رہیں گے

ہفتہ 15 جون 2024

حکیم عبدالرحیم خان
عموماً عیدین پر گھروں میں انواع و اقسام کے پکوان تیار کیے جاتے ہیں، جن میں مرغّن غذائیں اور مختلف اقسام کے مشروبات شامل ہوتے ہیں اور ان کا حد سے زیادہ استعمال مضرِ صحت ثابت ہو سکتا ہے۔میڈیکل سائنس کی رُو سے ایک عام فرد کو یومیہ 50 گرام گوشت کھانا چاہیے۔تاہم، گوشت کا زیادہ استعمال کولیسٹرول اور یورک ایسڈ میں اضافے اور بلند فشارِ خون سمیت امراضِ قلب کا سبب بن سکتا ہے۔
اسی طرح جنک اور فاسٹ فوڈ بھی مضرِ صحت ہے۔عید کے موقعے پر کولڈ ڈرنکس سے پرہیز کریں اور ان کی بجائے تازہ پھلوں اور سبزیوں کا جوس پئیں۔
نیز، کھانا پیٹ بَھر کر نہ کھائیں اورخصوصاً عید کے دنوں میں بلڈ پریشر، ذیابیطس اور معدے کے امراض میں مبتلا افراد کھانے پینے میں خاص احتیاط برتیں۔

(جاری ہے)

کھانا اعتدال سے اور اچّھی طرح چبا کر کھائیں اور متوازن غذا کے اصول کو پیشِ نظر رکھیں۔

اگر طبیعت میں گرانی اور نظام ہاضمہ میں خرابی محسوس ہو تو پودینے، ادرک اور سبز الائچی کا قہوہ استعمال کریں۔اُمیدِ واثق ہے کہ اگر عید کے ایّام میں آپ نے کھانے پینے کے دوران مذکورہ بالا احتیاطی تدابیر اختیار کیں، بد پرہیزی سے اجتناب برتا، تو ان شاء اللہ تعالیٰ آپ کا نظامِ ہاضمہ ٹھیک اور آپ تندرست رہیں گے۔

Browse More Healthart