بند کریں
صحت صحت کی خبریں” راولپنڈی ایکسپریس “پٹڑی سے اترگئی،شعیب اختر اور محمد آصف پر ممنوعہ ادویات کے استعمال ..

صحت خبریں

وقت اشاعت: 02/11/2006 - 18:43:52 وقت اشاعت: 02/11/2006 - 18:42:45 وقت اشاعت: 02/11/2006 - 18:13:56 وقت اشاعت: 02/11/2006 - 17:25:48 وقت اشاعت: 02/11/2006 - 16:27:24 وقت اشاعت: 02/11/2006 - 16:16:42 وقت اشاعت: 02/11/2006 - 16:16:42 وقت اشاعت: 02/11/2006 - 12:57:08 وقت اشاعت: 02/11/2006 - 12:55:20 وقت اشاعت: 01/11/2006 - 21:19:05 وقت اشاعت: 01/11/2006 - 21:19:05

” راولپنڈی ایکسپریس “پٹڑی سے اترگئی،شعیب اختر اور محمد آصف پر ممنوعہ ادویات کے استعمال کی پاداش میں عائد پابندی کی خبر کو قومی اخبارات نے شہ سرخیوں میں جگہ دی

اسلام آباد (اردوپوائنٹ اخبار تازہ ترین02انومبر2006 )فاسٹ بولرز شعیب اختر اور محمد آصف پر ممنوعہ ادویات استعمال کرنے کی پاداش میں عائد پابندی کی خبر کو پاکستانی ذرائع ابلاغ نے شہ سرخیوں میں جگہ دی ہے جبکہ سابق ٹیسٹ کرکٹرز اور زندگی کے مختلف شعبوں سے تعلق رکھنے والے افراد نے اس پر ملا جلا ردعمل ظاہر کیا ہے۔روزنامہ جنگ نے یہ خبر اس سرخی کے ساتھ شائع کی ہے ممنوعہ قوت بخش دواوٴں کا استعمال، شعیب اور محمد آصف ایک سال کرکٹ نہیں کھیل سکیں گے۔

روزنامہ ایکسپریس نے لکھا ہیشعیب اختر اور محمد آصف پر انٹرنیشنل اور ڈومیسٹک کرکٹ کے دروازے بند۔ اخبار نے مزید لکھا ہے پنڈی ایکسپریس پٹڑی سے اترگئی۔کریئر ختم ہونے کا امکان۔اخبار ڈان کی سرخی ہے۔Dope-tainted Shoaib,Asif bannedانگریزی اور اردو کے علاوہ سندھی اخبارات نے بھی صفحہ اول پر شعیب اور آصف پر عائد پابندی کی خبر کو جگہ دی ہے۔شعیب اختر پر دوسال اور محمد آصف پر ایک سال کی پابندی کے فیصلے پر عام شہریوں میں ملا جلا ردعمل سامنے آیا ہے۔

ایک دکاندار محمد عمران کا کہنا ہے کہ پاکستانی ٹیم کے لیے یہ بڑا نقصان ہے۔ پان فروش محمد صدیق کہتے ہیں کہ دونوں باؤلرز کو دواوٴں کے استعمال میں احتیاط کرنی چاہئے تھی ان کے کئے کی سزا ٹیم کو بھگتنی پڑرہی ہے۔فرنیچر کا کاروبار کرنے والے محمد عمران کے مطابق ورلڈ کپ میں پاکستانی ٹیم کو ان دونوں بولرز کی کمی شدت سے محسوس ہوگی۔ گارمنٹس فیکٹری کے سپروائزر فیصل واحد کا کہنا ہے کہ شعیب اختر ہمیشہ سے مسئلہ بنے رہے ہیں اور اس تازہ ترین صورتحال نے پاکستانی کرکٹ کو مشکل سے دوچار کردیا ہے۔

مقامی کالج کی ایک طلبہ نوشین نے کہا ہے کہ شعیب اختر تو اکثر متنازع رہے ہیں لیکن محمد آصف پہلی مرتبہ کسی تنازع کا حصہ بنے ہیں لہذ ا ان پر صرف ویسٹ انڈیز کے خلاف ہوم سیریز کھیلنے کی پابندی ہونی چاہیے اور اس سے زیادہ سزا انہیں نہیں ملنی چاہیے ۔
02/11/2006 - 16:16:42 :وقت اشاعت