بند کریں
صحت صحت کی خبریںملک کوپولیو فری بنانا حکومت کی اولین ترجیح ہے، چین کے تعاون سے ویکسین تیار کی جائیگی،صدر ..

صحت خبریں

وقت اشاعت: 19/10/2009 - 18:51:52 وقت اشاعت: 17/10/2009 - 10:52:51 وقت اشاعت: 16/10/2009 - 19:51:23 وقت اشاعت: 14/10/2009 - 17:28:01 وقت اشاعت: 14/10/2009 - 12:29:32 وقت اشاعت: 10/10/2009 - 19:42:47 وقت اشاعت: 09/10/2009 - 20:08:07 وقت اشاعت: 09/10/2009 - 17:53:07 وقت اشاعت: 08/10/2009 - 18:08:11 وقت اشاعت: 07/10/2009 - 12:47:35 وقت اشاعت: 06/10/2009 - 17:11:03

ملک کوپولیو فری بنانا حکومت کی اولین ترجیح ہے، چین کے تعاون سے ویکسین تیار کی جائیگی،صدر زرداری،حکومت نے آصفہ زرداری بھٹو کو پاکستان میں پولیو کے خاتمے کا سفیر مقرر کیا ہے ،بچوں کی حفاظت کیلئے تمام اداروں کو اجتماعی ذمہ داری کا ثبوت دینا ہوگا،تقریب سے خطاب، پاکستان میں پولیو کا خاتمہ میری ماں کا خواب تھا میں اس مشن کو جاری رکھوں گی،آصفہ

اسلام آباد(اُردو پوائنٹ اخبار تازہ ترین۔10اکتوبر۔2009ء)صدر آصف علی زرداری نے کہا ہے کہ چین کے تعاون سے ملک میں ہی پولیو ویکسین تیار کی جائے گی ، ملک کو مکمل طور پر پولیو فری بناناحکومت کی اولین ترجیح ہے ،حکومت نے آصفہ بھٹو کو پاکستان میں پولیو کے خاتمے کا سفیر مقرر کیا ہے ،بچوں کی حفاظت کیلئے تمام اداروں کو اجتماعی ذمہ داری کا ثبوت دینا ہوگا، وزارت صحت عالمی اداروں کے ساتھ مل کر پولیو ویکسین کی مہم کو مزید بہتر بنائیگی ۔

ہفتہ کو ایوان صدر میں پولیو کے خاتمے کے حوالے سے منعقدہ تقریب سے خطاب کرتے ہوئے صدر آصف علی زرداری نے کہا کہ پولیو کے خاتمے کی مہم شہید بے نظیر بھٹو نے 1994میں شروع کی تھی اس وقت ملک میں پولیو کے تین ہزار کیسز تھے جو رواں سال کم ہو کر 62رہ گئے ہیں ، پولیو کے خاتمے کیلئے مزید موثر اقدامات کرنا ہونگے ، وزارت صحت عالمی اداروں کے ساتھ مل کر پولیو ویکسین کی مہم کو مزید بہتر بنائیگی ، بچوں کی صحت کے معاملے پر کوئی سمجھوتہ نہیں کیا جائیگا، صدر نے کہا کہ پولیو کے خاتمے کیلئے اساتذہ اور نوجوان نسل حکومت کی مدد کرے ، ہمارا مقصد ملک کو مکمل طور پر پولیو فری بنانا ہے ، حکومت نے آصفہ بھٹو کو پولیو کے خاتمے کا پاکستانی سفیر مقرر کردیا ہے ، تاکہ وہ اپنی والدہ کے مشن کو آگے بڑھا سکیں ، ملک میں پولیو کا خاتمہ بینظیر بھٹو کا خواب تھا اسے عملی جامہ پہنایا جائیگا ، انہوں نے کہا کہ دہشتگرد اور انتہاء پسند بچوں کی پولیو ویکسینیشن مہم کے خلاف تھے اور انہوں نے ڈاکٹروں کو قتل کیا جنہوں نے پولیو مہم میں حصہ لیا تھا ،ملک میں بچوں کی حفاظت کیلئے تمام اداروں کو اجتماعی ذمہ داری کا ثبوت دینا ہوگا ، انہوں نے پولیو کے خاتمے کیلئے بین الاقوامی مخیرات اور فریقین کو شکریہ ادا کیا،انہوں نے کہا کہ چین کے تعاون سے جلد ہی ملک میں پولیو کے خاتمے کی ویکسین تیار کی جائیگی ۔

انہوں نے کہا کہ میرے گزشتہ دورہ چین کے دوران ویکسین کی تیاری کے دو طرفہ تعاون پر دستخط ہوئے تھے ۔حکومت کا دہشتگردی سمیت تمام برائیوں کے خاتمے کا عزم مضبوط ہے میں اپنی بہادر فوج کو وطن عزیز کی حفاظت پر سلام پیش کرتا ہوں ، آصفہ زرداری بھٹو نے کہا کہ پاکستان میں پولیو کا خاتمہ میری ماں کا خواب تھا میں اس مشن کو جاری رکھوں گی ۔
10/10/2009 - 19:42:47 :وقت اشاعت