بند کریں
صحت صحت کی خبریںطبی تاریخ میں پہلی بار۔ بچے کے دونوں ہاتھوں کی تبدیلی کا آپریشن کامیاب ہوگیا

صحت خبریں

وقت اشاعت: 25/08/2017 - 11:50:58 وقت اشاعت: 24/08/2017 - 23:49:43 وقت اشاعت: 16/08/2017 - 15:33:16 وقت اشاعت: 26/07/2017 - 13:18:40 وقت اشاعت: 24/07/2017 - 23:50:34 وقت اشاعت: 19/07/2017 - 23:53:30 وقت اشاعت: 18/07/2017 - 12:13:07 وقت اشاعت: 10/06/2017 - 12:10:09 وقت اشاعت: 05/06/2017 - 15:38:29 وقت اشاعت: 29/03/2017 - 12:08:35 وقت اشاعت: 07/03/2017 - 23:52:27

طبی تاریخ میں پہلی بار۔ بچے کے دونوں ہاتھوں کی تبدیلی کا آپریشن کامیاب ہوگیا

بالٹیمور، میری لینڈ سے تعلق رکھنے والے 10 سالہ زیون ہاروے نے طبی تاریخ میں اپنا نام رقم کر لیاہے۔ ڈاکٹروں نے ہاروے کے دونوں ہاتھوں کی تبدیلی کے آپریشن کو کامیاب قرار دیا ہے۔ انسانی اعضا کی پیوند کاری کے میدان میں اسے بہت اہم پیشرفت قرار دیا جا رہا ہے۔
جولائی 2015 میں 8 سالہ زیون ہاروے کے ہاتھوں کی تبدیلی کا آپریشن کیا گیا تھا۔11 گھنٹے کے اس آپریشن میں ڈاکٹروں کی چار ٹیموں نے حصہ لیا۔

اس آپریشن کے نتائج بدھ کو ایک طبی جریدے میں شائع ہوئے۔ اس آپریشن میں شامل ڈاکٹروں نے آپریشن کو کامیاب قرار دیتے ہوئے کہا ہے کہ اس ٹیکنالوجی سے باقی بچوں کو بھی مدد ملے گی۔
دی گارڈین اخبار کے مطابق زیون کو کھیلنے کودنے سے کافی دلچسپی تھی لیکن وہ کھیل نہیں پاتا تھا۔تاہم اپنا یہ شوق وہ اب پورا کر رہا ہے۔زیون 2 سال کا تھا کہ پس پڑنے سے اس کے دونوں ہاتھ اور پاؤں کاٹنے پڑے۔

اس کے بعد 6 سال تک زیون مصنوعی ہاتھ پاؤں استعمال کرتا رہا۔ مصنوعی پاؤں کی وجہ سے زیون بہت چھوٹے قدم اٹھا پاتا تھا لیکن دو سال پہلے ہونے والے آپریشن نے اس نے زندگی بدل دی۔آپریشن کے 18 ماہ بعد زیون اپنے ہاتھوں کا  استعمال سیکھ چکا ہے۔ اب وہ بہت سہولت سے کھانا کھا لیتا ہے، لکھ لیتا ہے ، کھیلتا ہے اور خود ہی کپڑے پہن لیتا ہے۔
انسانی اعضا کی پیوند کاری کوئی آسان کام نہیں۔

اعضا کی تبدیلی کا کام تسلی بخش بھی ہوتو کئی بار انسانی جسم دوسرے کے اعضا کو قبول کرنے سے انکار کر دیتا ہے۔ اعضا کی پیوند کاری کے بعد لی جانے والی دواؤں کے بھی مضمرات ہو سکتے ہیں۔ لیکن زیون کے ساتھ اس طرح کا کوئی مسئلہ پیش نہیں آیا۔
دنیا میں اب تک سو افراد کے ہاتھ یا بازو کی تبدیلی کے آپریشن ہو چکے ہیں۔ 1998 میں پہلی بار ایک بالغ شخص کو دوسرے بالغ شخص کا ہاتھ لگایا گیا تھا۔مستقبل میں آنےو الی جدید ٹیکنالوجی سے اس طرح کے آپریشن کی کامیابی کے چانسز بڑھ رہے ہیں۔

19/07/2017 - 23:53:30 :وقت اشاعت