- Home
- Health
- Health News
- پشاور، بنوں میں دو مختلف کار بم خود کش حملے ،15سیکورٹی اہلکاروں سمیت18افراد جاںبحق ، 80سے زائد ..
پشاور، بنوں میں دو مختلف کار بم خود کش حملے ،15سیکورٹی اہلکاروں سمیت18افراد جاںبحق ، 80سے زائد زخمی ، پشاور شہر میں تمام نجی تعلیمی ادارے بند، پیپر بھی ملتوی کردیئے گئے، صدر اور وزیر اعظم اور وزیر اعلیٰ سرحد کا تحقیقات کا حکم زخمیوں کو بہترین طبی سہولتیں فراہم کرنے کی ہدایت
جمعہ 13 نومبر 2009 19:51
(جاری ہے)
پاکستانی فوج کے شعبہ تعلقاتِ عامہ کے حکام نے برطانوی ریڈیو کو بتایا کہ پشاور میں جمعہ کی صبح چھ بج کر 45پر بارود سے بھری گاڑی میں سوار ایک خودکش حملہ آور کو سر کاری ادارے کے دفتر کے سامنے واقع چیک پوسٹ پر تعینات اہلکاروں نے روکنے کی کوشش کی تو اس نے خود کو ایک دھماکے کے ساتھ اڑا دیا۔
حکام کا کہنا ہے کہ اس حملے میں دس افراد جاں بحق اور ساٹھ زخمی ہوئے ہیں۔ حکام کے مطابق جاں بحق ہونے والوں میں7 سکیورٹی اہلکار اور تین شہری شامل ہیں۔ ان کا کہنا ہے کہ زخمیوں کو پشاور کے لیڈی ریڈنگ ہسپتال اور کمبائنڈ ملٹری ہسپتال منتقل کر دیا گیا۔دھماکہ اتنا شدید تھا کہ اس کی آواز بہت دور تک سنی گئی اور سر کاری ادارے کے دفتر کے دیوار مکمل طور پر گر گئی۔ واقعہ کے فوری بعد فوج نے جائے وقوعہ پر پہنچ کر علاقے کو گھیرے میں لے لیا دھماکہ چونکہ صبح سویرے ہوا اس لیے اس وقت سڑک پر گاڑیوں اور پیدل چلنے والوں کی تعداد کم تھی۔جس جگہ پر دھماکہ ہوا ہے یہاں سے وزیراعلیٰ، گورنر ہاوٴس اور فوج کے انتہائی اہم دفاتر کچھ ہی فاصلے پر واقع ہیں جبکہ سامنے بڑا پارک آرمی اسٹیڈیم ہے جہاں پر شام کے وقت زیادہ رش رہتا ہے۔ سڑک پر آٹھ بجے کے بعد بہت زیادہ ٹریفک ہوتی ہے اور یہاں پر ایک ٹریفک سگنل بھی ہے جس کے بند ہونے کے بعد چاروں طرف درجنوں گاڑیاں رکی ہوئی ہوتی ہیں۔جس وقت دھماکہ ہوا ہے اس کے تقریباً آدھے گھنٹے بعد بچوں نے سکولوں کو جانے کے لیے گھروں سے باہر نکلنا تھا۔ یہ خدشہ ظاہر کیا جا رہا ہے کہ اگر دھماکے میں کچھ تاخیر ہوتی تو اس سے پہنچنے والا جانی نقصان بہت زیادہ ہوتا۔ ابھی تک یہ معلوم نہیں ہوسکا کہ حملے کا نشانہ سرکاری ادارے کا آفس تھا یا حملہ آور اس سے زیادہ حساس علاقے میں داخل ہو کر کسی اور ٹارگٹ پر پہنچنا چاہ رہا تھا۔۔آئی جی سرحد ملک نوید کے مطابق دھماکہ خودکش تھا ۔حملے میں سیکورٹی اہلکاروں اورشہریوں سمیت دس افراد جاں بحق اورتیس سے زائدزخمی ہوئے جنہیں لیڈی ریڈنگ ہسپتال اورسی ایم ایچ پہنچایاگیا ۔دھماکہ کے بعد کینٹ ایریا اورچھاؤنی میں سیکورٹی کومزید سخت کردی گئی ہے ۔حساس ادارے کی عمارت پر خودکش حملے کے بعد شہر میں تمام نجی تعلیمی ادارے فوری طورپر بند کرکے پیپر بھی ملتوی کردیئے گئے ۔دوسری طرف صوبہ سرحد کے جنوبی ضلع بنوں میں بھی حکام کا کہنا ہے کہ ایک پولیس سٹیشن پر ہونے والے خودکش حملے میں کم از کم 8 اہلکار شہید اور بیس سے زائد زخمی ہوگئے ہیں۔بنوں پولیس کے ایک اہلکار نے برطانوی ریڈیو کو بتایا کہ جمعہ کی صبح سات بجکر دس منٹ پرایک مبینہ خودکش بمبار نے بارود سے بھری گاڑی کو صوبے کے زیر انتظام بکاخیل پولیس اسٹیشن کی عمارت کے ساتھ ٹکرا دیا۔ حملے میں8 پولیس اہلکار شہیداور بیس سے زائد زخمی ہوئے ہیں۔ زخمیوں کو بنوں ہسپتال پہنچایا گیا ہے جہاں پر بعض کی حالت تشویشناک بتائی جارہی ہے۔بکاخیل بنوں شہر سے تقریباً بیس کلومیٹر کے فاصلے پر واقع ہے اور اس کی سرحد شمالی وزیرستان سے ملتی ہے۔خیال رہے کہ پاکستان فوج کی قبائلی علاقے جنوبی وزیرستان میں فوجی کارروائی شروع ہونے کے بعد سے ملک میں ہونے والے بم دھماکوں اور خودکش حملوں میں اب تک تین سو سے زیادہ افراد جاں بحق ہو چکے ہیں۔ دوسری جانب صدر آصف علی زر داری اوروزیر اعظم یوسف رضا گیلانی اور وزیر اعلیٰ سرحد نے دھماکے میں زخمی ہونے والے افراد کو بہترین طبی سہولتیں فراہم کرنے کی ہدایت کرتے ہوئے فوری تحقیقات کا حکم دیا ۔ وزیر اعظم اور صدر آصف علی زر داری نے کہاکہ دہشت گرد ملک کو غیر مستحکم کر نا چاہتے ہیں اور وہ اپنے مذموم مقاصد میں کبھی کامیاب نہیں ہونگےBrowse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر