بند کریں
صحت صحت کی خبریںمحکمہ صحت قصور کے زیر اہتمام ٹی بی آگاہی سیمینار

صحت خبریں

وقت اشاعت: 29/12/2017 - 14:49:01 وقت اشاعت: 29/12/2017 - 14:19:38 وقت اشاعت: 29/12/2017 - 13:18:13 وقت اشاعت: 29/12/2017 - 12:57:59 وقت اشاعت: 29/12/2017 - 12:43:13 وقت اشاعت: 29/12/2017 - 12:39:30 وقت اشاعت: 28/12/2017 - 22:54:38 وقت اشاعت: 28/12/2017 - 16:28:25 وقت اشاعت: 28/12/2017 - 14:19:50 وقت اشاعت: 28/12/2017 - 14:02:31 وقت اشاعت: 28/12/2017 - 11:36:51

محکمہ صحت قصور کے زیر اہتمام ٹی بی آگاہی سیمینار

قصور۔29 دسمبر(اُردو پوائنٹ اخبارتازہ ترین۔ 29 دسمبر2017ء)محکمہ ہیلتھ قصور کے زیر اہتمام ٹی بی کی آگاہی کے حوالے سے سیمینار کا انعقاد ڈسٹرکٹ ہیلتھ ڈویلپمنٹ سنٹر قصور میں ہوا،سیمینار میں چیف ایگزیکٹو آفیسر ہیلتھ ڈاکٹر عبدالمجید ‘ڈسٹرکٹ ہیلتھ آفیسر ڈاکٹر محمد لائق چوہدری ‘ ڈسٹرکٹ ٹی بی کوآرڈینیٹر ڈاکٹر محمد خالد ‘ڈسٹرکٹ کوآرڈینیٹر نیشنل پروگرام ڈاکٹر ثمرہ خرم ‘چائلڈ سپیشلسٹ ڈاکٹر شفیق احمد شیخ ‘صدر پی ایم اے قصور ڈاکٹر حفیظ الرحمن ‘اسسٹنٹ ڈائریکٹر سوشل ویلفیئر محمد اکبر رضا ‘پرائیویٹ اور سرکاری ڈاکٹرز ‘اساتذہ ‘معززین شہر ‘محکمہ صحت کے سٹاف اور دیگر نے شرکت کی، سی ای او ہیلتھ ڈاکٹر عبدالمجید نے خطاب کرتے ہوئے کہا کہ حکومت پنجاب ٹی بی کا علاج بالکل مفت کر رہی ہے اورمریضوں کو ان کی دہلیز پر مفت ادویات فراہم کر رہی ہے اس لئے تمام مکتبہ فکرکو ٹی بی کی آگاہی کیلئے اپنا اپنا کردار ادا کرنا چاہیے ،ڈی ایچ او ڈاکٹر محمد لائق چوہدری نے کہا کہ ٹی بی سو فیصد قابل علاج ہے، ٹی بی سے متعلق آگاہی معاشرے کو اس ناسور سے بچا سکتی ہے، ڈسٹرکٹ ٹی بی کوآرڈینیٹر ڈاکٹر محمد خالد نے کہا کہ ٹی بی کا ایک مریض ایک سال میں پندرہ لوگوں کو ٹی بی کر سکتا ہے، ایسا بندہ جسے دو یا دو سے زائد ہفتوں سے مسلسل کھانسی آرہی ہو یا بلغم میں خون ہو رات کو بخار یا ٹھنڈے پسینے آتے ہوں، یہ ٹی بی کا مشکوک مریض ہو سکتا ہے، چائلڈ سپیشلسٹ ڈاکٹر شفیق احمد شیخ نے کہا کہ ٹی بی کے مریض سے نفرت نہ کریں بلکہ اس سے پیار کریں اور اسے سمجھائیں کہ کھانستے ، تھوکتے یا اونچی بولتے وقت اپنے منہ کو رومال ، کپڑے یا ٹشو سے ڈھانپیں ، بلا ناغہ اور مسلسل میڈیسن لیں اور ڈاکٹرسے رابطے میں رہیں، ڈاکٹر ثمرہ خرم نے کہا کہ ایل ایچ ڈبلیوز ٹی بی کی آگاہی کیلئے اپنا کردار ادا کریں گی اور گھر گھر وزٹ کے دوران لوگوں کوٹی بی سے متعلق آگاہی دینگی،اسسٹنٹ ڈائریکٹر سوشل ویلفیئر اکبر رضا نے کہا کہ ٹی بی کی آگاہی اور علاج معالجے کے حوالے سے این جی اوز کو مکمل فعال کرینگے تا کہ ہم اپنے معاشرے کو ٹی بی سے مکمل طور پر نجات دلا سکیں ۔


29/12/2017 - 12:39:30 :وقت اشاعت