بند کریں
صحت صحت کی خبریںعید کے دنوں میں مسلسل گوشت کھانا مضر صحت ہے، جانوروں کو ذبح کرنے کیلئے چھریاں گرم پانی میں ..

صحت خبریں

وقت اشاعت: 05/01/2007 - 15:19:32 وقت اشاعت: 05/01/2007 - 13:51:53 وقت اشاعت: 05/01/2007 - 13:27:11 وقت اشاعت: 04/01/2007 - 13:06:26 وقت اشاعت: 03/01/2007 - 16:19:53 وقت اشاعت: 31/12/2006 - 19:12:13 وقت اشاعت: 31/12/2006 - 12:30:26 وقت اشاعت: 29/12/2006 - 16:53:50 وقت اشاعت: 29/12/2006 - 15:39:56 وقت اشاعت: 29/12/2006 - 15:12:36 وقت اشاعت: 29/12/2006 - 13:08:54

عید کے دنوں میں مسلسل گوشت کھانا مضر صحت ہے، جانوروں کو ذبح کرنے کیلئے چھریاں گرم پانی میں دھو کر استعمال کی جائیں۔طبی ماہرین

کراچی(اُردو پوائنٹ اخبار تازہ ترین۔31دسمبر۔2006ء) طبی ماہرین نے کہاہے کہ عید کے دنوں میں مسلسل گوشت کھانا مضر صحت ہے، جانوروں کو ذبح کرنے کیلئے چھریاں گرم پانی میں دھو کر استعمال کی جائیں،قربانی کے بعد گوشت کو جلداز جلد صاف اور محفوظ کرلینا چاہئے۔ فریز کیا ہوا گوشت عموماً تین ماہ تک قابل استعمال رہتا ہے، تاہم یہ اسی صورت میں ممکن ہے کہ فریزر کم کھلے ۔

ممتاز طبی ماہر اور کاشف جنرل اینڈ اسپتال کے ڈائریکٹر ڈاکٹر کاشف الرحمن قریشی نے بتایا ہے کہ ایک بالغ آدمی کیلئے دن بھر میں آدھا پاؤ گوشت کھانا کافی ہے، مگر اس سے زائد مقدار میں گوشت کھانامختلف بیماریوں کا باعث بن سکتا ہے۔ انہوں نے کہا کہ اگر قربانی کے گوشت کو صحیح طرح محفوظ نہ کیا جائے تو اس میں بیکٹریا افزائش پذیر ہوجاتا ہے۔انہوں نے بتایا کہ گوشت میں پانی کی مقدار10 تا75 فیصد ہے اور جراثیم گوشت کے پانی میں بہت تیزی سے پلتے ہیں اس لئے گوشت کو محفو ظ بنانے کیلئے اس میں شامل پانی کو ختم کرنا ضروری ہے اس مقصد کیلئے گوشت کو دھوپ میں سکھایا جاسکتا ہے تاہم دھوپ میں رکھنے سے پہلے اگر اس میں نمک یالیموں کاسرکا چھڑک لیا جائے توتیزابیت سے یہ خشک ہوجائے گا اور جراثیم بھی ختم ہوجائیں گے۔

انہوں نے بتایا کہ ایسا گوشت جو لیموں یا مالٹا چھڑ ک کر سکھایا گیا ہوآئرن کی کمی کے مریضوں کیلئے بہت فائدہ مند ہے بجلی کی لوڈشیڈنگ کے باعث بار بار فریزر بند ہونے سے گوشت کی کیمیائی حالت تبدیل ہوجاتی ہے اسلئے فریزر سے گوشت نکالنے کے بعد اسے فوراً پکالینا چاہئے ، کیونکہ برف پگھلنے کے بعد گوشت غیر محفوظ ہوجاتا ہے اور اس میں بیکٹریا بڑھنا شرو ع ہوجاتے ہیں اور کچھ دیر گذرنے پر یہ قابل استعمال نہیں رہتا، جبکہ گوشت کو فریز سے ایک بار نکالنے اور برف پگھلنے کے بعد دوبارہ فریز نہیں کرنا چاہئے کیونکہ یہ مضر صحت ہوجاتا ہے۔

گوشت پکانے سے قبل اس کی رنگت کو ضرور دیکھ لینا چاہئے، کیونکہ خراب گوشت کا رنگ تبدیل ہوجاتا ہے جو انسانی صحت کے لئے نقصان دہ ہے ۔ انہوں نے مشورہ دیا کہ ہائی بلڈپریشر، دل اور جگر کے امراض میں مبتلا افراد گوشت کا استعمال کم کریں جبکہ ان کیلئے گوشت کو کارن، سورج مکھی یا سویا بین تیل میں پکا کر کھانا بہتر ہوگا ۔ معمر افراد کلیجی، گردے ، پائے کھانے سے گریز کریں۔ انہوں نے بتایا کہ اس سردی کے موسم میں ہڈیوں کی یخی بنا کر پیناکھانسی اور جوڑوں کے درد کے مریضوں کیلئے فائدہ مند ہے۔
31/12/2006 - 19:12:13 :وقت اشاعت