بند کریں
صحت صحت کی خبریںملالہ یوسف زئی کی صحت یابی اور درازی عمر کیلئے آزادکشمیر بھر میں شمعیں روشن کی گئیں

صحت خبریں

وقت اشاعت: 14/10/2012 - 20:27:13 وقت اشاعت: 14/10/2012 - 19:22:16 وقت اشاعت: 14/10/2012 - 19:21:06 وقت اشاعت: 14/10/2012 - 16:39:08 وقت اشاعت: 14/10/2012 - 16:39:08 وقت اشاعت: 14/10/2012 - 16:33:41 وقت اشاعت: 14/10/2012 - 14:50:41 وقت اشاعت: 14/10/2012 - 14:01:32 وقت اشاعت: 14/10/2012 - 14:01:13 وقت اشاعت: 13/10/2012 - 22:45:41 وقت اشاعت: 13/10/2012 - 22:45:41

ملالہ یوسف زئی کی صحت یابی اور درازی عمر کیلئے آزادکشمیر بھر میں شمعیں روشن کی گئیں

میرپور (اُردو پوائنٹ اخبار تازہ ترین۔ آئی این پی۔14اکتوبر ۔2012ء) جموں وکشمیر ہیومن رائٹس کمیشن کے چیئرمین ہمایوں زمان مرزا کی اپیل پر ایواڈیافتہ ہونہار طالبہ ملائلہ یوسف زئی کی صحت یابی اور درازی عمر کیلئے آزادکشمیر بھر میں شمعیں روشن کی گئیں ،میرپور میں چیئرمین جموں کشمیر ہیومن رائٹس کمیشن ہمایوں زمان مرزا نے جب کہ مظفرآباد شہزاد لولابی ،کوٹلی یاسر حسن ،باغ طاہرعباسی اوردیگر تمام ضلعی ہیڈکوارٹرز میں جموں کشمیر ہیومن رائٹس کمیشن کے عہدیداران کی قیادت میں شمعیں روشن کی گئیں او رملائلہ اور اُس کی دیگر ساتھی طالبات کی جلد صحت یابی کیلئے خصوصی دعائیں کی گئیں۔

چوک شہیداں میرپور میں شمعیں روشن کرنے کی تقریب سے خطاب کرتے ہوئے چیئرمین جموں کشمیر ہیومن رائٹس کمیشن ہمایوں زمان مرزا نے کہاکہ ملائلہ یوسف زئی جیسی ہونہار لائق اور علم سے محبت کرنے والی بچی پاکستان کا سافٹ امیج ہے پوری دنیا میں ملائلہ نے اپنی تحریروں کے ذریعے پاکستان کے مظلوم ومحکوم طبقات کی آواز بلند کی ایک ایسی بچی جو علم کی شمع روشن کی ہوئی تھی جس نے سنگینوں کے سائے میں بھی اپنی علمی پیاس بجھانے کیلئے ہر ممکن کوشش اورجدوجہد کی اس پر حملہ قابل مذمت ہے ۔

انہوں نے کہاکہ ملائلہ یوسف زئی کے ساتھ مجھے دومرتبہ ملاقات کاشرف حاصل ہوا 10دسمبر2011ء انسانی حقوق کے عالمی دن کے موقع پر ملائلہ یوسف زئی اور مجھے ایوارڈ دینے کی تقریب میں میرے ساتھ ملائلہ نے آزادکشمیر کے دورے پرآنے کا وعدہ کیا مائلہ جیسی باہمت ہونہار اور باصلاحیت بیٹی کسی بھی ملک کا قیمتی اثاثہ ہوتاہے ۔ انہوں نے کہاکہ یہ پاکستان کیلئے بہت بڑے اعزاز کی بات ہے کہ ملائلہ کو عالمی امن ایوارڈ سے نوازا گیا اور پاکستان پیپلزپارٹی کی حکومت نے بھی اس باہمت بیٹی کو ستارہ جرات سے نوازا پاکستان کی تمام سیاسی ومذہبی قیادت ،پاکستان پیپلزپارٹی کے چیئرمین بلاول بھٹو زرداری نے اس واقعہ کی مذمت کرکے پاکستانیوں کے دلوں کی ترجمانی کی ہے ہمایوں زمان مرزا نے کہاہے کہ ملائلہ یوسف زئی پر حملے سے تمام مسلمانوں کے سرشرم سے جھک گئے ہیں ایک ایسی معصوم بیٹی جو حضور پاک کی سنت پر عمل کرتے ہوئے تعلیم حاصل کرکے دوسری بچیاں تک بھی منتقل کررہی ہے ۔

دعائیہ تقریب میں سیاسی کارکنوں ،صحافیوں ،شاعروں ،ادیبوں ،انجمن تاجران کے نمائندوں سمیت سول سوسائٹی کی بڑی تعداد نے شرکت کی اورملائلہ یوسف زئی کی صحت یابی کیلئے خصوصی دعا کی اور شمعیں روشن کیں
14/10/2012 - 16:33:41 :وقت اشاعت