بند کریں
صحت صحت کی خبریںیو ایس ایڈکا جیکب آباد میں ہسپتال ،سندھ کے مختلف شہروں میں لائبریریاں تعمیرکرنے کااعلان،وزیر ..

صحت خبریں

وقت اشاعت: 18/10/2012 - 20:15:40 وقت اشاعت: 17/10/2012 - 19:43:14 وقت اشاعت: 17/10/2012 - 19:42:37 وقت اشاعت: 17/10/2012 - 13:00:58 وقت اشاعت: 17/10/2012 - 13:00:09 وقت اشاعت: 16/10/2012 - 23:25:03 وقت اشاعت: 16/10/2012 - 23:00:25 وقت اشاعت: 16/10/2012 - 19:46:08 وقت اشاعت: 16/10/2012 - 19:44:50 وقت اشاعت: 16/10/2012 - 19:44:50 وقت اشاعت: 16/10/2012 - 19:36:47

یو ایس ایڈکا جیکب آباد میں ہسپتال ،سندھ کے مختلف شہروں میں لائبریریاں تعمیرکرنے کااعلان،وزیر اعلیٰ سندھ سے امریکی قونصل جنرل، یو ایس ایڈ کے ریجنل ڈائریکٹر کی ملاقات،باہمی دلچسپی کے امورپرتبادلہ خیال، صحت اور تعلیم کے شعبوں میں باہمی تعاون کی ضرورت ہے ،قائم علی شاہ

کراچی(اُردو پوائنٹ اخبار تازہ ترین۔ آئی این پی۔16اکتوبر ۔2012ء) وزیر اعلیٰ سندھ سید قائم علی شاہ سے امریکی قونصل جنرل مسٹر مائیکل ڈوڈمین اور یو ایس ایڈ کے ریجنل ڈائریکٹر ایڈورڈ برگلس نے منگل کو وزیر اعلیٰ ہاؤس میں ملاقات کی جس میں وزیر اعلیٰ سندھ کے پرنسپل سیکریٹری محمد صدیق میمن، صوبائی سیکریٹری صحت آفتاب احمد کھتری، منصوبہ بندی و ترقیات کے اسپیشل سیکریٹری ڈاکٹر نور الحق و دیگر موجود تھے۔

وزیر اعلیٰ سندھ نے اس بات پر زور دیا کہ صحت اور تعلیم کے شعبوں میں تعاون کی ضرورت ہے بالخصوص جیکب آباد اور سندھ کے دیگر بالائی حصوں کے لوگوں کے لئے طبی سہولیات کی کافی ضرورت ہے جبکہ صوبے کے کئی شہروں میں لائبریریوں کی بھی اشد ضرورت ہے۔ امریکی قونصل جنرل نے بتایا کہ یو ایس ایڈ جیکب آباد میں جدید سہولتوں سے آراستہ ایک ہسپتال تعمیر کرنا چاہتی ہے اس ہسپتال میں او پی ڈی بلاک، ایڈمیشن، انڈور بلاک سمیت تمام تر سہولیات فراہم کی جائیں گی اور بعد میں اس ہسپتال کو ٹیچنگ ہسپتال کا درجہ دیا جائے گا۔

انہوں نے مزید بتایا کہ یہ منصوبہ ایک سال کے اندر مکمل کیا جائے گا اور سندھ کے کئی شہروں میں لائبریریاں بھی تعمیر کی جائیں گی جس کے پہلے مرحلے میں تین لائبریریاں حیدرآباد، خیرپور اور لاڑکانہ میں تعمیر ہونگی۔ مائیکل ڈوڈمین نے مزید بتایا کہ صوبائی محکمہ ثقافت کے تعاون سے سندھ کے اہم شہروں میں انگریزی زبان سیکھنے کے مراکز قائم کئے گئے ہیں جبکہ کراچی میں 1500 طلباء کو تربیت فراہم کی گئی ہے جبکہ حیدرآباد میں 700 طلباء کو انگریزی زبان کی تربیت دی گئی ہے۔

وزیر اعلیٰ سندھ نے کہا کہ اس ضمن میں فارملٹیز مکمل کی جائیں گی اور قانون کے مطابق مسئلہ سندھ اسمبلی میں پیش کیا جائے گا۔ انہوں نے یو ایس ایڈ پر زور دیا کہ وہ اساتذہ کی تربیت کے پروگرام کا آغاز کریں تاکہ اساتذہ کو جدید تربیت فراہم کی جاسکے تاکہ تعلیمی و تدریسی معیار کو معیاری اور جدید تقاضوں سے ہم آہنگ کیا جاسکے۔ وزیر اعلیٰ سندھ نے کہا کہ یو ایس ایڈ اور حکومت سندھ کے مابین ایک یادداشت نامے پر دستخط کئے جائیں گے جبکہ سیکریٹری صحت اور محکمہ منصوبہ بندی و ترقیات کے اسپیشل سیکریٹری، پی سی ون اور دیگر ضروری فارملٹیز کریں گے۔

ملاقات میں بتایا گیا کہ یو ایس ایڈ کی جانب سے جیکب آباد میں تعمیر کی جانے والی ہسپتال کے لئے شروعاتی طور پر ایک ارب روپے خرچ کئے جائیں گے۔ وزیر اعلیٰ سندھ نے صحت اور تعلیم و دیگر شعبوں میں یو ایس ایڈ کے تعاون کو سراہا اور امید ظاہر کی کہ صوبہ سندھ کے عوام کی فلاح و بہبود کے لئے صحت، تعلیم اور دیگر شعبوں میں مزید منصوبے شروع کئے جائیں گے۔
16/10/2012 - 23:25:03 :وقت اشاعت