ْوالدین بچوں کوصاف ستھراماحول مہیاکرکے محفوظ معاشرے کی بنیادرکھ سکتے ہیں‘ڈاکٹریاسمین راشد

والدین اپنے بچوں کوپولیوسمیت تمام حفاظتی ٹیکے لگواکرماحولیاتی بیماریوں سے چھٹکارہ دلوانے میں اہم کرداراداکریں

ْوالدین بچوں کوصاف ستھراماحول مہیاکرکے محفوظ معاشرے کی بنیادرکھ سکتے ..
لاہور(اُردو پوائنٹ اخبارتازہ ترین - این این آئی۔ 22 اپریل2019ء) وزیرصحت پنجاب ڈاکٹریاسمین راشدنے الحمرا میں نجی تعلیمی ادارے کی سالانہ تقریب تقسیم انعامات میں بطورمہمان خصوصی شرکت کی۔ اس موقع پرنجی تعلیمی ادارے کی انتظامیہ نے وزیرصحت پنجاب کوپھولوں کاگلدستہ پیش کیا جبکہ ننھے بچوں نے بھرپورطریقے سے استقبال کیا۔ صوبائی وزیرنے ننھے بچوں میں انعامات بھی تقسیم کئے۔

وزیرصحت پنجاب ڈاکٹریاسمین راشدنے کہاکہ سابقہ کرپٹ حکومت نے یہاں بیٹھے ہربچے سمیت پاکستان کے ہرشہری کومقروض کردیا۔ تحریک انصاف کی حکومت عوام کومعاشی بحران سے نکالنے کی مکمل صلاحیت رکھتی ہے۔ صوبائی وزیر صحت نے مزیدکہاکہ پنجاب بھرمیں بھرپورپولیومہم کاآغازہوچکاہے۔ یہاں بیٹھے تمام والدین اپنے بچوں کوپولیوسمیت تمام حفاظتی ٹیکے لگواکرماحولیاتی بیماریوں سے چھٹکارہ دلوانے میں اہم کرداراداکریں۔

(جاری ہے)

والدین بچوں کوصاف ستھراماحول مہیاکرکے محفوظ معاشرے کی بنیادرکھ سکتے ہیں۔انہوں نے کہاکہ ننھے بچوں میں انعامات تقسیم کرتے ہوئے انتہائی خوشی محسوس ہورہی ہے۔ ڈاکٹریاسمین راشدنے کہاکہ حکومت پنجاب نے صوبہ بھرمیں یکساں اوربہترین تعلیمی نظام فراہم کرکے پڑھالکھامعاشرے کی بنیادرکھنے کاعزم اٹھارکھاہے۔ سخت موسم کی پرواہ کئے بغیر لیڈی ہیلتھ ورکرزسمیت تمام افسران پولیومہم کوکامیاب بنانے کیلئے فرائض سرانجام دے رہے ہیں۔سرکاری ہسپتالوں میں مریضوں کوریلیف دینے کیلئے ہرممکن قدم اٹھائیں گے۔

Your Thoughts and Comments