تمام والدین کو چاہیے کہ وہ اپنے پانچ سال تک کی عمر کے بچوں کو انسداد پولیو کے قطرے پلوائیں،اسسٹنٹ کمشنر ہرنائی

تمام والدین کو چاہیے کہ وہ اپنے پانچ سال تک کی عمر کے بچوں کو انسداد ..
ہرنائی (اُردو پوائنٹ اخبارتازہ ترین - اے پی پی۔ 23 اپریل2019ء) اسسٹنٹ کمشنر ہرنائی کلیم اللہ رودی نے کہا ہے کہ پولیو ایک خطرناک بیماری ہے تاہم اس سے چھٹکارا حاصل کرنے کیلئے ہمیں مشترکہ طور پر کوششیں کرنا ہوں گی، ضلع بھر میں پولیو ٹیموں کی سیکورٹی کے لئے فول پروف انتظامات کئے گئے ہیں جس کے لئے 350 پولیس اور لیویز اہلکار تعینات کئے گئے ہیں، پولیو کے قطرے پلانے کا ٹارگٹ تقریباًً23 ہزارمقرر کیا گیا ہے۔

ان خیالات کااظہار انہوں ڈسٹرکٹ ہیلتھ آفیسر کے آفس میں انسداد پولیو مہم کی افتتاحی تقریب سے خطاب کرتے ہوئے کیا ،انہوں نے کہا کہ والدین کو چاہیے کہ وہ اپنے پانچ سال تک کی عمر کے بچوں کو انسداد پولیو کے قطرے پلوائیں تاکہ جلد از جلد ہم اس بیماری سے ہمیشہ کیلئے نجات حاصل کر سکیں اور اپنے بچوں کو بہتر مستقبل فراہم کرنے میںمدد گار ثابت ہو سکیں،انہوں نے کہاکہ ضلع بھر میں انسداد پولیو مہم کی نگرانی کیلئے محکمہ صحت کے علاوہ ضلعی انتظامیہ کی جانب سے مختلف محکموں کے ضلع و تحصیل افسران کو تعینات کیاگیا تاکہ وہ قطرے پلانے والے ٹیموں کی مانیٹرنگ کرے ،انہوں نے کہاکہ ڈی سی آفس میں پولیو کنٹرول روم قائم کیاگیا ہے ،انہوں نے کہاکہ کسی بھی علاقے میں انسداد پولیو قطرے پلانے والے ٹیمیں نہ پہنچنے کی صورت میں پولیو کنٹرول روم ٹیلی فون نمبر0833520500 پر اطلاع کریں تقریب کے آخر میں اسسٹنٹ کمشنر و دیگر محکمہ صحت کے افسران نے بچوں کو انسداد پولیو کے قطرے پلاکرمہم کاافتتاح کیا ،افتتاحی تقریب سے ڈسٹرکٹ ہیلتھ آفیسر ڈاکٹر عبدالرشید ناصر ، ٹی، بی ، پروگرام کے صوبائی ڈپٹی منیجر ڈاکٹر بشیراحمد ، ڈسٹرکٹ مانیٹرنگ آفیسر ڈاکٹر حلیم ،دوپاسی منیجر محمد اظہر شاہ،کوارڈنیٹر ٹی، بی پروگرام کوئٹہ ڈاکٹر افتتاب ،ڈاکٹر وزیر خان مری و دیگر نے بھی خطاب کیا ۔

(جاری ہے)

اس موقع پر آل پاکستان پیرامیڈیکل سٹاف فیڈریشن کے عہدیداران ، قبائلی معتبرین ، سماجی شخصیات سمیت عوام نے کثیرتعداد میں شرکت کی۔ ڈسٹرکٹ ہیلتھ آفیسر ڈاکٹر عبدالرشید ناصر نی3 روزہ انسداد پولیو مہم کے حوالے سے شرکاء کو تفصیلات سے آگاہ کرتے ہوئے کہاکہ انسداد پولیو مہم آج سے ضلع بھر میں شروع کی گئی ہے جو 24 اپریل تک جاری رہے گی، انہوں نے کہاکہ انسداد پولیو مہم 114 موبائل ٹیمیں ، 30 فکس سنٹرز اور14 ٹرانزاٹ پوائنٹ بنائے گئے اور ضلع کو 10 زون میں تقسیم کیا گیا ہے ۔

Your Thoughts and Comments