بند کریں
صحت صحت کی خبریںپی پی پی کی وفاقی حکومت مسئلہ کشیر سے دستبردار ہو کر کشمیریوں کے مقدس ون سے غداری کی مرتکب ..

صحت خبریں

وقت اشاعت: 12/12/2012 - 21:54:09 وقت اشاعت: 12/12/2012 - 20:45:27 وقت اشاعت: 12/12/2012 - 20:43:58 وقت اشاعت: 12/12/2012 - 17:52:11 وقت اشاعت: 12/12/2012 - 17:50:14 وقت اشاعت: 12/12/2012 - 17:14:38 وقت اشاعت: 12/12/2012 - 14:46:34 وقت اشاعت: 12/12/2012 - 13:08:21 وقت اشاعت: 12/12/2012 - 13:04:20 وقت اشاعت: 11/12/2012 - 23:03:21 وقت اشاعت: 11/12/2012 - 21:29:50

پی پی پی کی وفاقی حکومت مسئلہ کشیر سے دستبردار ہو کر کشمیریوں کے مقدس ون سے غداری کی مرتکب ہوئی ہے ‘ سیکرٹری داخلہ نے مقبوضہ کشمیر کو بھارت کا حصہ تسلیم کر کے جدوجہد آزادی کو مقامی شورش قرار دے کر پی پی پی کی مسئلہ کشمیر پر زرداری کی پالیسی اوپن کر دی ہے ‘ اب مزید سوچنے کی گنجائش نہیں ‘پی پی پی کی کشمیریوں کے مقدس خون سے غداری کے باوجود کشمیری جدوجہد آزادی ہر حال میں جاری رکھیں گے‘ اب ااصل پی پی پی سے شکوہ نہیں ‘ بے نظیر بھٹو کی شہادت کے بعد قاتلوں کا ہی پی پی پی کے وارث بننا قومی المیہ ہے جس کی سزا پوری قوم بھگت رہی ہے ،مسلم کانفرنس کے صدر سابق وزیر اعظم سردار عتیق احمد کی مسلم کانفرنس کے سیکرٹری اطلاعات سیدمہران علی بخاری سے گفتگو

اسلام آباد(اُردو پوائنٹ اخبار تازہ ترین۔آئی این پی۔12دسمبر۔ 2012ء) صدر آل جموں و کشمیر مسلم کانفرنس و سابق وزیر اعظم سردار عتیق احمد خان نے کہا ہے کہ پی پی پی کی وفاقی حکومت مسئلہ کشیر سے دستبردار ہو کر کشمیریوں کے مقدس ون سے غداری کی مرتکب ہوئی ہے ‘ سیکرٹری داخلہ نے مقبوضہ کشمیر کو بھارت کا حصہ تسلیم کر کے جدوجہد آزادی کو مقامی شورش قرار دے کر پی پی پی کی مسئلہ کشمیر پر زرداری کی پالیسی اوپن کر دی ہے ‘ اب مزید سوچنے کی گنجائش نہیں ‘پی پی پی کی کشمیریوں کے مقدس خون سے غداری کے باوجود کشمیری جدوجہد آزادی ہر حال میں جاری رکھیں گے‘ اب ااصل پی پی پی سے شکوہ نہیں ‘بھٹو خاندان کے ختم ہونے پر بے نظیر بھٹو کی شہادت کے بعد قاتلوں کا ہی وارث بننا قومی المیہ ہے ۔

وہ گزشتہ روز یہاں مسلم کانفرنس کے سیکرٹری اطلاعات سیدمہران علی بخاری سے دوران ملاقات بات چیت کر رہے تھے۔ انہوں نے کہاکہ آزادی کے حصول تک کشمیری عوام بھارتی تسلط کے خلاف اپنی جدوجہد کو کامیاب بنانے کیلئے ہر قسم کی قربانیاں دیتے رہیں گے۔ سردار عتیق نے کہا کہ اصل پی پی پی سے اب شکوہ نہیں آج بھٹو خاندان ختم ہو گیا محترمہ بے نظیر بھٹو کی شہادت کے بعد قاتل ہی وارث بن گئے ہیں یہ قومی المیہ ہے ۔

انہوں نے کہا کہ جس کی سزا پورا ملک اور بھٹو خاندان شہدائی بھگتنے پر مجبور ہیں۔ پی پی پی والوں سے کبھی خیر کی توقع نہیں ۔ سابق وزیر اعظم نے مزید کہا کہ مسلم کانفرنس کشمیریوں کے تشخص اور عزت و وقار کی علامت ہے ہم اقتدار میں ہوں یا نہ ہوں اپنی قومی ذمہ داریوں سے ہرگز غافل نہیں رہ سکتے۔ مسلم کانفرنس کو مختلف مراحل میں رکاوٹوں اور ٹوٹ پھوٹ کا سامنا رہا۔

خدا کے فضل اور کارکنان کی محنت اور دعاؤں سے مسلم کانفرنس کی قیادت ہمیشہ سرخرو ہوئی۔ سردار عتیق نے کہا کہ آزاد کشمیر میں قائم جیالا حکومت ایک مائی صاحبہ کے احکامات کی بجا آوری میں آئین و قانون کو بلڈوز کر کے ریاستی تشخص کا جنازہ نکال رہی ہے۔ سرکاری فنڈز حکمرانوں کی عیایشیوں میں لگتے ہیں عوامی مسائل حل کرنے کے دعویداروں نے کشمیری قوم کو محرومیوں کے سوا کچھ نہیں دی۔

اربوں روپے کے پروجیکٹس بذریعہ اعلانات دینے والے حکمرانوں کے پاس ملازمین کو تنخواہیں دینے کیلئے وسائل نہیں ہیں۔ صرف عوام کو بے وقوف بنا کر ریاستی وسائل کو بے دردی سے لوٹا جا رہا ہے جس پر ہم خاموش تماشائی نہیں رہیں گے۔ سردار عتیق نے کارکنان پر زور دیا کہ وہ اپنی صفوں میں اتحاد برقرار رکھیں ۔ آنے والا دور پھر ہمارا ہے ۔ غیر ریاستی جماعتوں نے کشمیریوں کے مسائل حل کرنے کی بجائے ان میں اضافہ کیا ۔

مسلم کانفرنس کا ایک نصب العین ہے اور عوامی حقوق پر شب خون مارنے کی کسی کو اجازت نہیں دیں گے۔ سردار عتیق نے کہاکہ پی پی پی کی حکومت زوال کی جانب گامزن ہے کسی بھی وقت تبدیلی آ سکتی ہے او اس تبدیلی میں مسلم کانفرنس کا اہم رول ہو گا ۔ ہم سیاسی حالات کا جائزہ لے کر ہی کوئی فیصلہ کریں گے۔ کارکن وارڈ کی سطح پر جماعت کو مزید فعال بنانے کیلئے کام کریں ۔ قیادت کارکنوں کو کسی مقام پر تنہاء نہیں چھوڑے گی۔
12/12/2012 - 17:14:38 :وقت اشاعت