آر ڈبلیو ایم سی کی ڈینگی کی روک تھام کے حوالے سے جنرل بس سٹینڈ پیر ودھائی میں آگاہی مہم

راولپنڈی (اُردو پوائنٹ اخبارتازہ ترین - اے پی پی۔ 26 جون2019ء) چیف ایگزیکٹو آفیسر راولپنڈی ویسٹ مینجمنٹ کمپنی کی ہدایت پر شہریوں کو صفائی کی اہمیت و افادیت اور ڈینگی کی روک تھام کے حوالے سے آگاہی فراہم کرنے کے لئے بدھ کے روزجنرل بس سٹینڈ پیر ودھائی میںمارکیٹ آگاہی مہم کے دوران دکانداروں کو صحتمند معاشرے کے قیام کیلئے صفائی ستھرائی برقرار رکھنے کا پیغام پہنچایا۔

(جاری ہے)

اس موقع پر بس سٹینڈ پر موجود مسافروں اور مختلف ٹرانسپورٹ کمپنیوں کے قائم اڈوں پر بھی انکے عملے کو بھی صفائی کی اہمیت و افادیت اور انسداد ڈینگی مہم کیلئے حفاظتی اقدامات سے آگاہ کیا،راولپنڈی ویسٹ مینجمنٹ کمپنی اور البائراک کی کمیونیکیشن ٹیموں کے ارکان کمیل رضا ،کمیل عباس اور امتیاز خان نے صفائی و انسداد ڈینگی آگاہی مہم کے حوالے سے انہیں تفصیلی بریف کرتے ہوئے کہا کہ اپنے گھروں کیساتھ ،اردگرد کے ماحول کی صفائی سے ہی بیماریوں کیخلاف لڑا جا سکتا ہے،جسمانی صفائی کیساتھ ساتھ گلی ،محلوں،بازاروں اور عوامی مقامات کی صفائی ستھرائی از حد ضروری ہے ،کوڑا کرکٹ ڈسٹ بن یا باہر نصب کوڑا دانوں میں ڈالیں،یا ویسٹ بیگز میں ڈال کر گھروں ،دکانوں کے باہر رکھ دیں،کہیں بھی پانی کھڑا نہ ہونے دیں،کھلے عام کوڑا کرکٹ پھینکنے سے بیماریاں پھیلتی ہیں،ہم سب نے ملکر راولپنڈی کو صاف ستھرا اور ڈینگی فری سٹی بنانا ہے، ڈینگی سے ڈرنا نہیں اسکے خلاف لڑنا ہے،صفائی ستھرائی اپنا کر ہی اس موزی اور جان لیوا بیماری کو شکست دی جا سکتی ہے،راولپنڈی ویسٹ مینجمنٹ کمپنی اور البائراک اس بیماری کیخلاف جاری مہم اور شہر کی صفائی یقینی بنانے کیلئے میں آپکے شانہ بشانہ کوشاں و پرعزم ہے،،شہری،دکاندار بھی صفائی اور انسداد ڈینگی مہم کے حوالے سے ہماری کاوشوں میں ہاتھ بٹائیں،پیر ودھائی بس سٹینڈ کے دکاندار حضرات اور دیگر مقامی افراد نے نے صفائی کے لئے راولپنڈی ویسٹ مینجمنٹ کمپنی اور البائراک کی کوششوں کو سراہتے ہوئے اپنے ہر ممکن تعاون کی یقین دہانی کرائی،انہوں نے ڈینگی اور صفائی سے متعلق آگاہی کی مہم کو ایک اچھی کاوش قراردیا اور کہا کہ یہ سلسلہ جاری رہنا چائیے،تاکہ زیادہ سے زیادہ تعداد میں شہری اس سے مستفید ہو سکیں اور ڈینگی کا خاتمہ یقینی بنایا جاسکے۔