بند کریں
صحت صحت کی خبریںدیامر اور استور میں بر فباری جاری ،خوراک اور ادویات کی قلت، لوگوں کو شدید مشکلات کا سامنا، ..

صحت خبریں

وقت اشاعت: 19/01/2013 - 20:51:57 وقت اشاعت: 19/01/2013 - 18:19:22 وقت اشاعت: 19/01/2013 - 15:41:26 وقت اشاعت: 19/01/2013 - 15:40:48 وقت اشاعت: 19/01/2013 - 15:22:34 وقت اشاعت: 19/01/2013 - 14:54:35 وقت اشاعت: 19/01/2013 - 14:27:22 وقت اشاعت: 18/01/2013 - 18:54:42 وقت اشاعت: 18/01/2013 - 18:48:49 وقت اشاعت: 18/01/2013 - 18:44:23 وقت اشاعت: 18/01/2013 - 18:36:25

دیامر اور استور میں بر فباری جاری ،خوراک اور ادویات کی قلت، لوگوں کو شدید مشکلات کا سامنا، ممکنہ ٹریفک حادثات کے پیش نظر گاڑی چلانے پر پابندی عائد، برف باری اور شدید سردی کے باعث لوگ گھروں تک محدود ہو کر رہ گئے،سکردو اور گردونواح میں تیس گھنٹے سے جاری برف باری کے باعث ملک کے ساتھ زمینی راستہ منقطع ، لینڈ سلائیڈنگ کے باعث گلگت سکردو شاہراہ بند

گلگت بلتستان/سکردو/مری(اُردو پوائنٹ اخبار تازہ ترین۔آئی این پی۔19جنوری۔2013ء)گلگت بلتستان کے علاقوں دیامر اور استور میں ہفتہ کو بھی بر ف باری جاری رہی۔ برفباری سے تمام رابطہ سڑکیں بند گئیں جس کی وجہ سے خوراک اور ادویات کی قلت پیدا ہوگئی اور لوگوں کو شدید مشکلات کا سامنا ہے۔سکردو اور گردونواح میں تیس گھنٹے سے جاری برف باری کے باعث ملک کے ساتھ زمینی راستہ منقطع ہوگیا۔

لینڈ سلائیڈنگ کے باعث گلگت سکردو شاہراہ بند ہے۔دیامر کے بالائی پہاڑی علاقہ بابوسر، نانگہ پربت اور بٹوگا ٹاپ میں تیسرے روز بھی برف باری جاری رہی جبکہ ضلع استور کے نشیبی اور بالائی علاقوں میں چوتھے روز برف باری جاری رہی ۔استور میں شدید برفباری کے باعث کسی بھی ممکنہ ٹریفک حادثات کے پیش نظر گاڑی چلانے پر پابندی عائد کر دی گئی ہے۔

برف باری اور شدید سردی کے باعث لوگ گھروں تک محدود ہو کر رہ گئے ہیں۔ لیکن خوراک اور ادویات نہ ملنے سے انکی مشکلات میں مزید اضافہ ہوتا جارہا ہے۔ پنجاب کے مختلف علاقوں میں موسم ابرآلود رہا۔ملکہ کوہسار مری اور گلیات میں برف باری کاسلسلہ وقفے وقفے سے جاری رہا۔ مری میں اب تک چھ انچ جبکہ گلیات میں ایک فٹ سے زائد برف پڑ چکی ہے۔سکردو اور گردونواح میں تیس گھنٹے سے جاری برف باری کے باعث ملک کے ساتھ زمینی راستہ منقطع ہوگیا۔ لینڈ سلائیڈنگ کے باعث گلگت سکردو شاہراہ بند ہے۔سرد ہواوٴں کے باعث کراچی میں ٹھنڈ بڑھ گئی ہے جبکہ بلوچستان بھی شدید سردی کی لپیٹ میں ہے۔ محکمہ موسمیات نے ملک کے مختلف علاقوں میں مزید بارش اور پہاڑوں پر برف باری کی پیش گوئی کی ہے۔
19/01/2013 - 14:54:35 :وقت اشاعت