بند کریں
صحت صحت کی خبریںحکومت بلوچستان ساحلی علاقوں میں تمام بنیادی سہولتیں فراہم کرنے کیلئے تمام دستیاب وسائل بروئے ..

صحت خبریں

وقت اشاعت: 29/01/2013 - 14:24:05 وقت اشاعت: 29/01/2013 - 14:24:05 وقت اشاعت: 29/01/2013 - 13:04:33 وقت اشاعت: 29/01/2013 - 13:04:09 وقت اشاعت: 29/01/2013 - 11:39:51 وقت اشاعت: 28/01/2013 - 22:12:29 وقت اشاعت: 28/01/2013 - 22:11:57 وقت اشاعت: 28/01/2013 - 21:06:05 وقت اشاعت: 28/01/2013 - 20:59:09 وقت اشاعت: 28/01/2013 - 20:55:13 وقت اشاعت: 28/01/2013 - 20:52:13

حکومت بلوچستان ساحلی علاقوں میں تمام بنیادی سہولتیں فراہم کرنے کیلئے تمام دستیاب وسائل بروئے کارلائے گی ، جیٹی کی تعمیر،واٹراسکیمات ،صحت عامہ کی بہترسہولیات کی فراہمی اورفیول سینٹرکاقیام ودیگر منصوبوں کو ترجیحی بنیادوں پر مکمل کیاجائے گا،ایڈیشنل چیف سیکرٹری ترقیات اسلم شاکر بلوچ کی گڈانی ،ڈام وسومیانی کے دورے کے موقع پر بات چیت

گڈانی (اُردو پوائنٹ اخبار تازہ ترین۔آئی این پی۔28جنوری۔ 2013ء)ایڈیشنل چیف سیکرٹری ترقیات اسلم شاکر بلوچ نے کہا ہے کہ حکومت بلوچستان ساحلی علاقوں میں تمام بنیادی سہولتیں فراہم کرنے کیلئے تمام دستیاب وسائل بروئے کارلائے گی جس میں جیٹی کی تعمیر،واٹراسکیمات ،صحت عامہ کی بہترسہولیات کی فراہمی اورفیول سینٹرکاقیام ودیگر منصوبوں پرترجیحی بنیادوں پر کام مکمل کیاجائے گا۔

وہ یہاں گڈانی ،ڈام وسومیانی کے دورے کے موقع پر بات چیت کررہے تھے ۔اس موقع پر سیکرٹری جنگلات غلام علی بلوچ،ڈائریکٹرجنرل بلوچستان کوسٹل اتھارٹی میجر اکبرلاشاری ودیگرمتعلقہ حکام بھی ان کے ہمراہ تھے۔اس موقع پر انہوں نے کہاکہ ڈام جیٹی کی تعمیر گذشتہ کافی عرصے سے تعطل کاشکار رہی ہے جس سے علاقے کے ماہی گیروں کو کافی مشکلات کاسامنا کرناپڑاہے لیکن عنقریب اس کوجدید اندازمیں تعمیرکیاجائے گا اس کے علاوہ آبنوشی ،صحت،فیول سینٹر ودیگر منصوبوں کاقیام ترجیحی بنیادوں پر عمل میں لایاجائے گا،علاوہ ازیں گڈانی میں بلوچستان کوسٹل ڈیولپمنٹ اتھارٹی اپنی مدد آپ کے تحت کمرشل بنیادوں پر سہولیات کی فراہمی یقینی بنائیگی،جس سے علاقے میں معاشی انقلاب برپاہوگا۔

اس کے علاوہ انہوں نے ڈام اورسومیانی میں محکمہ جنگلات بلوچستان کی جانب سے لگائے گئے مینگروز(سمندری پودے )کے اقدام کوسراہتے ہوئے کہا کہ ان مینگروز کی بدولت سمندری کٹاؤ کو روکنے اورسمندری حیات کی افزائش نسل میں اضافہ ہو گا۔
28/01/2013 - 22:12:29 :وقت اشاعت