ٹریفک پولیس قصور کی سموگ سے آگاہی اور احتیاطی تدابیر کے حوالے سے مہم

قصور (اُردو پوائنٹ اخبارتازہ ترین - اے پی پی۔ 20 نومبر2019ء) ٹریفک پولیس قصور کی سموگ سے آگاہی اور احتیاطی تدابیر کے حوالے سے مہم جاری ‘ڈی ایس پی ٹریفک قصور تاثیر احمد ڈار نے شہر کی مختلف شاہراہوں پر شہریوں میں فیس ماسک اور پمفلٹس تقسیم کئے ۔اس موقع پر انکے ہمراہ ٹریفک ایجو کیشن آفیسر محمد اسلم اور دیگر اہلکاران بھی تھے ۔ ڈی ایس پی ٹریفک تاثیر احمد ڈار نے بتایا کہ شہری سموگ سے بچائو کے لیے غیر ضروری سفر سے اجتناب کریں اور ضروری سفر کے دوران ماسک اور عینک کا استعمال ضرور کریں‘ سردی کے موسم میں دھند اور دھواں کی آمیزش سے ماحول میں سموگ کی صورتحال انسانی صحت کیلئے نقصان دہ ہو سکتی ہے جس سے بچائو کی احتیاطی تدابیر کے بارے میں زیادہ سے زیادہ آگاہی بہترین اقدام ہے ۔

شہری اپنے خاندانوں کے افراد کے علاوہ ارد گرد کے لوگوں کو بھی سموگ کے مضر اثرات سے بچنے کے طریقوں سے آگاہ کریں تا کہ سموگ کے نقصانات سے بچا جا سکے ۔

(جاری ہے)

انہوں نے مزیدکہا کہ گاڑیوں اور موٹرسائیکلوں کے دھویں کیساتھ ساتھ انڈسٹریزاور بھٹہ جات سے خارج ہونیوالا دھواں‘فصلوں کی باقیات اور کوڑے کولگائی جانیوالی آگ سے پیداہونیوالی آلودگی سموگ پیداہونے کی بڑی وجوہات میں شامل ہے جن کا تدارک بھی متعلقہ ادارے یقینی بنارہے ہیں ۔ انہوں نے کہا کہ دھواں فضائی آلودگی میں اضافے کا سبب بن کر ہرفرد کی صحت پر نہایت مضراثرات مرتب کرتاہے جس کی روک تھام کیلئے ٹریفک پولیس کی کاوشیں جاری ہیں اور اس خاطر اٹھائے گئے اقدامات کو مزیدموثر اورمانیٹرنگ کو نہایت مربوط بنایاجارہاہے۔

Your Thoughts and Comments