خیرپور، 3 سال سے تنخواہ سے محروم محکمہ صحت کے 148 ملازمین کی احتجاجی بھوک ہڑتال 16ویں روز جاری

خیرپور(اُردو پوائنٹ اخبار تازہ ترین۔آئی این پی۔25اپریل۔ 2013ء)خیرپور میں 3 سال سے تنخواہ سے محروم محکمہ صحت کے 148 ملازمین کی احتجاجی بھوک ہڑتال 16ویں روز بھی جاری رہی ای ڈی او خیرپور کی برطرفی کا مطالبہ تفصیلات کے مطابق خیرپور میں 3سال سے تنخواہ سے محروم محکمہ صحت کے 148 ملازمین کی کچہری روڈ پر 16ویں روز بھی جاری ہے اس موقع پر پیرا میڈیکل اسٹاف کے صدر قادر بخش پیر زادہ ،سندھ پیر امیڈیکل اسٹاف ویلفیئر ایسوسی ایشن کے ضلع خیرپور کے صدر عجیب الرحمن جوگی ،علی بخش سومرو،غلام قادر بھٹو نے صحافیوں کو بتایا کہ 3 سال سے وہ صحت کے محکمے میں ایمانداری سے کام کرتا ہے مگر تین سال سے ان کو ایک بھی مہینے کی تنخواہ نہیں ملی ہے انہوں نے نگران وزیراعظم ،نگران وزیراعلی سندھ اور انسانی حقوق کی تنظیموں سے اپیل کی کہ محکمہ صحت کے 148 ملازمین کے خاندان فاقہ کشی پر مجبور ہیں ان کی ہنگامی بنیادوں تنخواہیں بحال کی جائیں انہوں نے سابقہ ای ڈی او صحت سید لیاقت شاہ اور موجودہ ای ڈی او صحت خیرپور کے خلاف کاروائی کا مطالبہ کرتے ہوئے چیف جسٹس آف پاکستان سے نوٹس لینے کا مطالبہ کیا ہے ادھر این اے 215اورپی ایس 29کے مسلم لیگ نواز کے امیدوار سید غوث علی شاہ ،پیپلزپارٹی کے پی ایس 33کے امیدوار پیر سید بچل شاہ نے محکمہ صحت کے 148 ملازمین کی احتجاجی بھوک ہڑتالی کیمپ پر پہنچ کر اپنی بھرپور حمایت کا یقین دلایا ہے

Your Thoughts and Comments