پولیو کا ایک اور کیس سامنے آنے کے بعد سال 2019 کے پولیو سے متاثرہ بچوں کی تعداد 136 تک جا پہنچی

پولیو کا ایک اور کیس سامنے آنے کے بعد سال 2019 کے پولیو سے متاثرہ بچوں ..
لاہور(اُردو پوائنٹ اخبارتازہ ترین - این این آئی۔ 15 جنوری2020ء)پولیو کا ایک اور کیس سامنے آنے کے بعد سال 2019 کے پولیو سے متاثرہ بچوں کی تعداد 136 تک جا پہنچی۔نیشنل ایمرجنسی آپریشن سینٹر برائے پولیو کے کوارڈی نیٹر ڈاکٹر رانا صفدر نے بتایا کہ نیا کیس ضلع لکی مروت کی یونین کونسل تجازئی میں رپورٹ ہوا جہاں ایک 2 سال ایک ماہ کی عمر کا بچہ اس بیماری کا شکار ہوا اور اس کا پائوں مفلوج ہوگیا۔

(جاری ہے)

انہوں نے بتایا کہ بچے کو معمول کے مدافعتی مہم کے دوران پولیو ویکسین کی ایک خوراک بھی نہیں پلائی گئی۔بچے کے نمونے گزشتہ ماہ لیے گئے تھے اس لیے اس کیس کو 2019 کے پولیو کیسز میں شامل کیا جائے گا۔قومی پولیو پروگرام کی ویب سائٹ کے مطابق 2019 میں 136 پولیو کیسز رپورٹ ہوئے جبکہ سال 2018 میں یہ تعداد 12 اور 2017 میں محض 7 تھی۔خیبرپختونخوا میں پولیو کے 92 کیسز رپورٹ ہوئے جبکہ 25 کیسز سندھ، 11 کیسز بلوچستان اور 8 پولیو کیسز پنجاب میں سامنے آئے۔

Your Thoughts and Comments