بند کریں
صحت صحت کی خبریںبلوچستان ،قبائلی علاقوں سے فوج واپس ، قبائلیوں،بلوچوں کو قومی دھارے میں لائینگے،دہشتگردی ..

صحت خبریں

وقت اشاعت: 03/05/2013 - 21:50:07 وقت اشاعت: 03/05/2013 - 19:58:39 وقت اشاعت: 03/05/2013 - 16:55:40 وقت اشاعت: 03/05/2013 - 16:48:24 وقت اشاعت: 02/05/2013 - 22:46:29 وقت اشاعت: 02/05/2013 - 22:39:53 وقت اشاعت: 02/05/2013 - 22:39:53 وقت اشاعت: 02/05/2013 - 22:34:06 وقت اشاعت: 02/05/2013 - 20:52:09 وقت اشاعت: 02/05/2013 - 20:51:31 وقت اشاعت: 02/05/2013 - 20:50:50

بلوچستان ،قبائلی علاقوں سے فوج واپس ، قبائلیوں،بلوچوں کو قومی دھارے میں لائینگے،دہشتگردی ،انتہا پسندی کا حل صرف تحریک انصاف کے پاس ،تحریک انصاف ملک کو اغیاروں کی غلامی سے نجات دلائیگی،یکساں تعلیمی نظام رائج کرکے طبقاتی نظام کا خاتمہ کریگی،اسلام آباد کے شہریوں کی بے چینی کا خاتمہ کرینگے، پاکستان تحریک انصاف کے صدر مخدوم جاوید ہاشمی کا عوامی اجتماعات سے خطاب

اسلام آباد(اُردو پوائنٹ اخبار تازہ ترین۔آئی این پی۔2مئی۔2013ء) پاکستان تحریک انصاف کے صدر مخدوم جاوید ہاشمی نے کہا ہے کہ بلوچستان اور قبائلی علاقوں سے فوج واپس بلا کر بلوچیوں، قبائلیوں کی مدد سے امن قائم کر کے قومی دھارے میں لائینگے ، دہشت گردی اور انتہا پسندی سے نجات کا حل صرف تحریک انصاف کے پاس ہے،تحریک انصاف عمران خان کی قیادت میں ملک کو اغیاروں کی جنگ اور امریکی غلامی سے نکالے گی،یکساں نصاب تعلیم رائج کرکے ملک سے طبقاتی نظام کا خاتمہ کرینگے۔

وفاقی دارلحکومت میں صوبائی حکومت قائم کرکے عوام میں پائی جانے والی بے چینی کا خاتمہ کرینگے۔وہ تحریک انصاف کے مرکزی رہنما ڈاکٹر شہزاد وسیم، علی اعوان،عامر مغل، راجہ خرم نواز اور دیگر کے ہمراہ یہاں عوامی اجتماعات سے خطاب کررہے تھے ۔ مخدوم جاوید ہاشمی نے کہا کہ اسٹیٹس کو کی قوتوں نے عرصہ دراز سے پاکستانی عوام کو ان کے حقوق سے محروم رکھا ہوا ہے اور چند خاندانوں نے اختیاراور اقتدار کو اپنے گھر کی لونڈی بنا رکھا ہے، انہوں نے کہا کہ ملک کو کرپشن، بے روزگاری، افراتفری ،تعصب، فرقہ واریت اور ملکی سیاست پر خاندانی تسلط نے شدید نقصان پہنچایا ہے جس کے باعث ملک ترقی کی بجائے تباہی کے دہانے پر کھڑا ہے۔

انہوں نے تحریک انصاف بڑھکوں اور کھوکھلے نعروں پر یقین نہیں رکھتی بلکہ اقتدار میں آکر عوامی مسائل کے حل کیلئے عملی اقدامات اٹھائے گی جس سے عوام کا معیار زندگی بلند ہوگا ۔ انہوں نے کہا کہ تحریک انصاف اقتدار میں آکر ملک میں امن وامان کے قیام کیلئے سنجیدہ اقدامات کرے گی جن میں سے کوئٹہ سمیت قبائلی علاقوں سے فوج کو واپس بلائے گی اور بلوچیوں اور قبائلیوں کو قومی دھارے میں لائیگی۔

انہوں نے کہا کہ تحریک انصاف ملک میں انصاف اور شفافیت پر مبنی نیا نظام متعارف کرائیگی جس میں یکساں تعلیمی نظام ، قانون کی حکمرانی شامل ہوگا۔ انہوں نے کہا کہ تحریک انصاف ملک کو گزشتہ پانچ برسوں سے لوٹنے والے مگرمچھوں سے لوٹی ہوئی دولت واپس لائیگی۔ انہوں نے کہا کہ آنے والا دور تحریک انصاف کا ہے اور عوام 11مئی کو تحریک انصاف کے حق میں فیصلہ دیکر اپنا مستقبل محفوظ بنائینگے۔ انہوں نے کہا کہ عمران خان کا تبدیلی کا پیغام گھر گھر پہنچ چکا ہے اور عوام اب اپنے حقوق کے کیلئے بیدار ہوچکے ہیں اور تبدیلی آکر رہے گی
02/05/2013 - 22:39:53 :وقت اشاعت