بند کریں
صحت صحت کی خبریںسالانہ 200ارب کی بجلی چوری ہو رہی ہے، بھارت 8.9روپے کا یونٹ بنا سکتا ہے تو ہم سستی بجلی پیدا کیوں ..

صحت خبریں

وقت اشاعت: 23/05/2013 - 20:33:32 وقت اشاعت: 23/05/2013 - 17:37:22 وقت اشاعت: 22/05/2013 - 21:38:08 وقت اشاعت: 22/05/2013 - 21:09:35 وقت اشاعت: 22/05/2013 - 17:29:57 وقت اشاعت: 21/05/2013 - 21:23:24 وقت اشاعت: 21/05/2013 - 20:50:52 وقت اشاعت: 21/05/2013 - 20:50:20 وقت اشاعت: 21/05/2013 - 20:47:55 وقت اشاعت: 21/05/2013 - 20:44:25 وقت اشاعت: 21/05/2013 - 20:43:51

سالانہ 200ارب کی بجلی چوری ہو رہی ہے، بھارت 8.9روپے کا یونٹ بنا سکتا ہے تو ہم سستی بجلی پیدا کیوں نہیں کر سکتے،چشمہ نیو کلیئر پلانٹ اور کوئلے سے سستی بجلی بنائی جا سکتی ہے اگر نیت صاف ہو تو بجلی کی لوڈ شیڈنگ کا مسئلہ کوئی مشکل کام نہیں،نواز شریف ملک سے بجلی کے بحران کے خاتمے کیلئے سنجیدہ ہیں اور وہ امیر کی بجائے غریب کو سبسڈی دیں گے، تمام صوبوں میں یکساں لوڈ شیڈنگ کی جا رہی ہے لیکن پیداوار میں مسلسل کمی ہو رہی ہے،لوڈ شیڈنگ کے معاملے پر غنڈہ گردی ہو رہی ہے،نواز شریف حکومت جلد عوام کو لوڈ شیڈنگ کے معاملے پر ریلیف دیگی، وفاقی وزیر پانی وبجلی مصدق ملک کی رائے ونڈ میں نواز شریف سے ملاقات کے بعد میڈیا سے گفتگو

لاہور (اُردو پوائنٹ اخبار تازہ ترین۔آئی این پی۔21مئی۔ 2013ء)نگران وفاقی وزیر پانی وبجلی مصدق ملک نے کہا ہے کہ سالانہ 200ارب کی بجلی چوری ہو رہی ہے، بھارت 8.9روپے کا یونٹ بنا سکتا ہے تو ہم سستی بجلی پیدا کیوں نہیں کر سکتے، چشمہ نیو کلیئر پلانٹ اور کوئلے سے سستی بجلی بنائی جا سکتی ہے اگر نیت صاف ہو تو بجلی کی لوڈ شیڈنگ کا مسئلہ کوئی مشکل کام نہیں،نواز شریف ملک سے بجلی کے بحران کے خاتمے کیلئے سنجیدہ ہیں اور وہ امیر کی بجائے غریب کو سبسڈی دیں گے، تمام صوبوں میں یکساں لوڈ شیڈنگ کی جا رہی ہے لیکن پیداوار میں مسلسل کمی ہو رہی ہے۔

وہ رائے ونڈ میں میاں نواز شریف سے ملاقات کے بعد میڈیا سے گفتگو کر رہے تھے۔ مصدق ملک نے کہا کہ (ن) لیگ جس طرح سنجیدگی کے ساتھ بجلی کی لوڈ شیڈنگ کا مسئلہ حل کرنا چاہتی ہے اس کے بعد مجھے یقین ہے کہ 6سے 8ماہ میں بجلی کی لوڈ شیڈنگ میں واضح کمی ہو گی اور سالانہ 200ارب روپے کی چوری ہونے والی بجلی کو بھی روکا جا سکے گا۔ انہوں نے کہا کہ بھارت صرف 8.9روپے میں فی یونٹ بجلی پیدا کر رہا ہے جبکہ پاکستان میں بجلی کی فی یونٹ کی قیمت اس کے مقابلے میں کئی زیادہ ہے ۔

انہوں نے کہا کہ نواز شریف سے ملاقات انتہائی مثبت رہی ہے اور میاں نواز شریف چاہتے ہیں کہ جتنی جلدی ہو سکے ملک میں بجلی کے بحران کو مکمل طور پر ختم کیا جائے کیونکہ اس کی وجہ سے ملکی معیشت بھی متاثر ہو رہی ہے۔ انہوں نے کہا کہ بجلی کے بحران کے خاتمے میں سرکلر ڈیٹ کا بھی اہم کردار ہے اور میں سمجھتا ہوں کہ اگر سرکلر ڈیٹ نہ ہوتا تو بجلی کے بحران کو ختم کرنا دنوں کی بات تھی۔ایک سوال کے جواب میں وفاقی وزیر نے کہا کہ مجھے امید ہے کہ نواز شریف ملک میں بجلی کے بحران پر جلد قابو پا لیں گے اور آنے والے دنوں میں ملک میں بجلی کی لوڈ شیڈنگ میں نمایاں کمی ہو گی اور عوام کو بھرپور ریلیف مل سکے گا۔
21/05/2013 - 21:23:24 :وقت اشاعت