بند کریں
صحت صحت کی خبریںدوردراز اور پسماندہ علاقوں میں پانی ،بجلی ،صحت، تعلیم اور ذرائع رسل سمیت تمام سہولیات ومراعات ..

صحت خبریں

وقت اشاعت: 28/05/2013 - 12:35:47 وقت اشاعت: 27/05/2013 - 17:37:23 وقت اشاعت: 27/05/2013 - 16:50:59 وقت اشاعت: 27/05/2013 - 16:50:59 وقت اشاعت: 27/05/2013 - 16:49:49 وقت اشاعت: 27/05/2013 - 15:37:34 وقت اشاعت: 27/05/2013 - 15:35:10 وقت اشاعت: 27/05/2013 - 13:17:06 وقت اشاعت: 26/05/2013 - 13:30:01 وقت اشاعت: 24/05/2013 - 22:58:03 وقت اشاعت: 24/05/2013 - 20:47:20

دوردراز اور پسماندہ علاقوں میں پانی ،بجلی ،صحت، تعلیم اور ذرائع رسل سمیت تمام سہولیات ومراعات فراہم کرکے دیہی علاقوں کے عوام کی سہولیات کے حوالے سے احساس محرومی دورکریں گے۔ سہار تاکنیلی سڑک کی پختگی کا معیاربہتر بنایاجائیگا‘ ناقص تعمیر کے خلاف سخت ایکشن لیاجائیگا‘ سرکاری فنڈز کا ناجائز استعمال ہرگز نہیں ہونے دیں گے‘ سہار آرمی پبلک سکول قائم ہوگیاہے‘سہار میں بی ایچ یو اور گرلز ڈگری کالج بھی بنائیں گے‘ سہارکے پڑھے لکھے نوجوانوں کوسرکاری نوکریاں دیں گے‘ ضلعی وڈویژنل انتظامیہ کوہدایات دیدی ہیں کہ دوردراز علاقوں کے عوام کے مسائل ترجیحی بنیادوں پر حل کیے جائیں ، وزیراعظم آزادکشمیرچوہدری عبدالمجید کاکھلی کچہری سے خطاب

میرپور(اُردو پوائنٹ تازہ ترین اخبار۔آئی این پی۔ 27مئی 2013ء)وزیراعظم آزادکشمیرچوہدری عبدالمجید نے کہاہے کہ دوردراز اور پسماندہ علاقوں میں پانی ،بجلی ،صحت، تعلیم اور ذرائع رسل سمیت تمام سہولیات ومراعات فراہم کرکے دیہی علاقوں کے عوام کی سہولیات کے حوالے سے احساس محرومی دورکریں گے۔ سہار تاکنیلی سڑک کی پختگی کا معیاربہتر بنایاجائیگا‘ ناقص تعمیر کے خلاف سخت ایکشن لیاجائیگا‘ سرکاری فنڈز کا ناجائز استعمال ہرگز نہیں ہونے دیں گے‘ سہار آرمی پبلک سکول قائم ہوگیاہے‘سہار میں بی ایچ یو اور گرلز ڈگری کالج بھی بنائیں گے‘ سہارکے پڑھے لکھے نوجوانوں کوسرکاری نوکریاں دیں گے‘ ضلعی وڈویژنل انتظامیہ کوہدایات دیدی ہیں کہ دوردراز علاقوں کے عوام کے مسائل ترجیحی بنیادوں پر حل کیے جائیں اور ان کے ساتھ سرکاری دفاتر میں عزت واحترام کے ساتھ پیش آیاجائے۔

حکومت اور انتظامیہ عوام کی خادم ہے عوامی خدمت ہی ہماراایجنڈاہے عوامی خدمت سے ہی دنیااور آخرت سنورتی ہے۔ عوامی حکومت لوگوں کے تمام مسائل حل کرے گی۔ وہ پیر کو سہارکے مقام پر کھلی کچہری سے خطاب کررہے تھے۔ اس موقع پر وزیراعظم کے صاحبزادے چوہدری قاسم مجید ،سیاسی مشیر شوکت راجہ ایڈووکیٹ، ایڈمنسٹریٹر ضلع کونسل چوہدری مشتاق، پیپلزپارٹی کے مرکزی راہنماؤں چوہدری آفتاب ، عامرالحسن راجہ، راجہ نعیم، چوہدری سلیمان، چوہدری ضمیر کے علاوہ اہلیان سہار کی بڑی تعداد موجود تھی۔

اس موقع پر لوگوں نے سہار کے جملہ مسائل سے وزیراعظم کو آگاہ کیا۔ وزیراعظم نے لوگوں کے جملہ مسائل توجہ سے سننے اور بعض فوری نوعیت کے معاملات پرموقع پراحکامات صادرکیے۔ وزیراعظم نے انتظامیہ اور ترقیاتی اداروں کے افسران سے کہاکہ وہ سہار کے ترقیاتی کاموں کو اندر معیاد مکمل کریں۔ سہارتاکنیلی سڑک کی ناقص تعمیرکے سلسلہ میں وزیراعظم کوشکایت کی گئی جس پر وزیراعظم نے نوٹس لیتے ہوئے۔

متعلقہ حکام کوہدایات دیں کہ وہ سڑک کی تعمیر کے معیار کو بہتربنائیں اور کام کی رفتار کو تیز کریں ناقص تعمیراور سرکاری وسائل کے ناجائز استعمال کے خلاف سخت کارروائی کی جائے گی۔ وزیراعظم آزادکشمیرچوہدری عبدالمجید نے کہاکہ پیپلزپارٹی کی حکومت نے سارے آزادکشمیرمیں بلاتخصیص تعمیروترقی کا عمل جاری رکھاہواہے۔ ہماری حکومت کی کوشش ہے کہ لوگوں کو بنیادی سہولیات میسرہوں ۔

انھوں نے کہاکہ پہلے مرحلہ پر تعلیم اور صحت کے اداروں کو دیہی علاقوں میں مضبوط ومستحکم کیاجارہاہے۔ جن علاقوں میں بجلی پانی کی سہولیات میسرنہیں ہیں وہاں کروڑوں روپے کی لاگت سے پانی وبجلی کی سہولیات فراہم کی جارہی ہیں جبکہ ذرائع رسل ورسائل کی سہولیات دیہی اور پسماندہ علاقوں تک پہنچائی جائیں گی۔
27/05/2013 - 15:37:34 :وقت اشاعت