چین میں کورونا وائرس کی وباء سے اموات 2000 سے تجاوز کر گئی

چین میں کورونا وائرس کی وباء سے اموات 2000 سے تجاوز کر گئی
بیجنگ (اُردو پوائنٹ اخبارتازہ ترین - اے پی پی۔ 19 فروری2020ء) چین میں کورونا وائرس کی وباء سے اموات 2005 ہوگئی ہیں۔ چین کے نیشنل ہیلتھ کمیشن کے حکام نے بتایا کہ گزشتہ 24 گھنٹوں کے دوران وائرس سے متاثر مزید 136 افراد ہلاک ہوئے جبکہ متاثرہ افراد کی مجموعی تعداد بڑھ کر 74,185 تک پہنچ گئی۔

(جاری ہے)

انہوں نے کہا کہ کورونا وائرس کی تشخیص کے 11,977 مریضوں کی حالت تشویش ناک ہے، 135,881مشتبہ کیسز کی نگرانی کی جارہی ہے جبکہ علاج معالجے کے بعد 14,376مریضوں کو ہسپتال سے گھر بھیج دیا گیا ہے۔

ہانگ کانگ اور مکائو میںکورونا وائرس کے کیسز کی تعداد 62 ہو گئی ہے جبکہ کورونا وائرس امریکہ، برطانیہ، سنگاپور، فرانس، روس سپین اور بھارت سمیت 200 ممالک تک پھیل گیا ہے۔ کورونا وائرس جانوروں خصوصاً چمگاڈر سے انسانوں میں منتقل ہوتا ہے جس کے باعث ترکی اور متعدد ممالک نے چین کے شہر ووہان اور دیگر متاثرہ علاقوں سے اپنے شہریوں کو واپس بلا لیا ہے اور ان کا طبی جائزہ لیا جا رہا ہے۔

Your Thoughts and Comments