بند کریں
صحت صحت کی خبریںوزیر اعلی پنجاب کی ہدایت پر صوبائی وزراء خلیل طا ہر ، صوبائی وزیر صحت ، آصف سعید منیس صوبائی ..

صحت خبریں

وقت اشاعت: 22/06/2013 - 14:48:18 وقت اشاعت: 21/06/2013 - 23:56:21 وقت اشاعت: 21/06/2013 - 23:56:07 وقت اشاعت: 21/06/2013 - 00:00:37 وقت اشاعت: 20/06/2013 - 21:34:28 وقت اشاعت: 20/06/2013 - 21:31:28 وقت اشاعت: 20/06/2013 - 21:29:12 وقت اشاعت: 20/06/2013 - 21:28:42 وقت اشاعت: 20/06/2013 - 16:38:53 وقت اشاعت: 20/06/2013 - 13:18:47 وقت اشاعت: 19/06/2013 - 23:56:41

وزیر اعلی پنجاب کی ہدایت پر صوبائی وزراء خلیل طا ہر ، صوبائی وزیر صحت ، آصف سعید منیس صوبائی وزیر سپیشل ایجوکیشن اور صوبائی وزیر خوراک بلال یسین کی زہر یلا کھانا کھانے سے ہلاک ہونے والے افراد کے اہل خانہ سے ملاقات ،وزیر اعلی پنجاب میاں شہباز شریف کا تعزیتی پیغام پہنچایا

میلسی /وہاڑی(اُردو پوائنٹ اخبار تازہ ترین۔آئی این پی۔20جون۔ 2013ء) وزیر اعلی پنجاب کی ہدایت پر تین صوبائی وزاراء خلیل طا ہر ، صوبائی وزیر صحت ، آصف سعید منیس صوبائی وزیر سپیشل ایجوکیشن اورصوبائی وزیر خوراک بلال یٰسین نے ڈی سی او محمودجاوید بھٹی اور ڈی پی او شارق کمال صدیقی کے ہمراہ میلسی میں زہر خورانی سے ہلاک ہونے والے افراد کے اہل خانہ سے ملاقات کی اور ان کے پیاروں کی وفات پر اظہار تعزیت کیا اور وزیر اعلی پنجاب میاں شہباز شریف کا تعزیتی پیغام بھی پہنچایا ۔

اس موقعہ پر انہوں نے کہا کہ پنجاب حکومت آپ کے دکھ میں برابر کی شریک ہے اس واقعہ کی مکمل تحقیقات کرائی جا رہی ہیں اس واقعہ کے ذمہ داروں کے خلاف سخت کارروائی کی جائیگی دریں اثناء صوبائی وزیر خوراک بلال یسین نے آج بنی شیل وہاڑی میں گندم کی خریداری مہم میں ہدف کے حصول اور گندم کے سٹاک اور اس کی حفاظت کے انتظامات کا جائزہ لینے کے سلسلہ میں دورہ کیا اس موقع پر انہوں نے میڈیا سے گفتگو کرتے ہوئے کہا کہ میلسی میں زہر خورانی سے ہونے والی ہلاکتوں کے بارے میں تحقیقات کی جارہی ہیں۔

حقائق سے عوام کو آگاہ کر دیا جائے گا اور کوئی بات مخفی نہیں رکھی جائے گی ۔جو افراد بھی اس میں ملوث پائے گئے ان کے خلاف کاروائی کی جائے گی ۔اس موقع پر ڈی سی او وہاڑی محمود جاوید بھٹی نے بتایا کہ تین رکنی تحقیقاتی کمیٹی کی ابتدائی رپورٹ کے مطابق میلسی میں ہلاک ہونے والوں کی تعداد22 ہو چکی ہے جبکہ محمد حسین نامی23واں شخص بھی بہاولپور وکٹوریہ ہسپتال میں انتقال کر چکا ہے ۔

انہوں نے کہا کہ اب تک ہونے والی ہلاکتوں کی وجوہات جاننے کے لیے آج ہلاک ہونے والے محمد حسین کے پوسٹ مارٹم کے احکامات جاری کر دئیے گئے ہیں انہوں نے کہا کہ اس سلسلہ میں عوامی تعاون سے ہی حقائق تک پہنچنے میں مدد مل سکتی ہے اب تک ہلاک ہونے والے افراد کے اہل خانہ کسی قسم کی تحقیقات کے لیے تیار نہیں دوسری جانب پولیس تھانہ سٹی میلسی نے ایم پی اے جہانزیب خان کے بھائی اورنگ زیب خان کھچی کے خلاف زیر دفعہ322اور337Jمقدمہ درج کر لیا ہے۔

اب تک زہر خورانی سے ہلاک ہونے والوں میں رانا فدا حسین،شعبان ، بشری، اللہ دتہ، وریام ، محمد عرفان ، منطور احمد ، ملک غلام علی، طارق عزیز ، مدثر، محمد نواز ، حافظ طارق، محمد اعجاز،سدن مائی ، اللہ بخش، فرزانہ مائی ، شاہد ریاض، رخسانہ، حاجی محمد ، مہناز مائی ،غلام علی ، علی شیر اور محمد حسین شامل ہیں ۔
20/06/2013 - 21:31:28 :وقت اشاعت