تھیلیمسیاایک موذی مرض ہے جس کاعلاج بہت مہنگاہے ‘اس موضی مرض میں مبتلابچوں کے والدین گوں ناگوں مسائل اورمشکلات کاشکارہیں زندگی اورموت کی اس کشمکش میں مبتلاان بچوں کی قیمتی جانوں کوبچانے کے لیے حکومت مخیرحضرات فلاحی اداروں اوران جی اوزکواپناکرداراداکرناہوگا، مقررین کا تھیلسیماکے مریض بچوں کے اعزازمیں منعقدہ سیمینارسے خطاب

راولاکوٹ ( اُردو پوائنٹ تازہ ترین اخبار۔آئی این پی۔ 6جولائی 2013ء ) تھیلیمسیاایک موذی مرض ہے جس کاعلاج بہت مہنگاہے ‘اس موضی مرض میں مبتلابچوں کے والدین گوں ناگوں مسائل اورمشکلات کاشکارہیں زندگی اورموت کی اس کشمکش میں مبتلاان بچوں کی قیمتی جانوں کوبچانے کے لیے حکومت مخیرحضرات فلاحی اداروں اوران جی اوزکواپناکرداراداکرناہوگا۔ان معصوم بچوں کوہرہفتے خون کی فراہمی میں الاقصی ویلفیئرٹرسٹ کابڑاکردارہے جس کے لیے ٹرسٹ کے صدرمحمدحمیدخان ایدھی آزادکشمیراورپوری ٹیم مبارک بادکی مستحق ہے۔

ان خیالات کااظہارتھیلسیماکے مریض بچوں کے اعزازمیں منعقدہ سیمینارسے خطاب کرتے ہوئے ٹرسٹ کے صدرمحمدحمیدخان،تھیلیسمیاکی مریضہ صائقہ ناصر،اے ڈی سماجی بہبودسردارشیرازخان،غازی ملت پریس کلب کے صدرسردارریاض شاہد،سینئرصحافی سردارقدیرخان ،سیکرٹری مالیات محمدخورشیدبیگ پی پی تحصیل کے صدرمحمدحنیف ایڈووکیٹ،سردارقمررشیدایڈووکیٹ،چیرسن ٹرسٹ یوکے ڈاکٹرسعدیہ چیرپرسن اے کے ڈاکٹرخدیجہ نذر،سردارزاہدخان،جنرل سیکرٹری سردارعمران شاہد،اصغرجان،جمیلہ بیگم،شبانہ بیگم رقیہ بیگم ،انس حمیدودیگرنے خطاب کرتے کیا۔

(جاری ہے)

تفصیلات کے مطابق الاقصی ویلفیئرٹرسٹ کے زیراہتمام تھیلسیمیاکے مریض بچوں کے اعزازمیں سیمینارکاانعقادکیاگیاتقریب کی مہمان خصوصی تھیلسیماکی مریضہ بچی صائقہ ناصرتھی جس کو14سو مرتبہ خون لگ چکاہے ۔تقریب کی صدارت مرکزی صدرالاقصی ٹرسٹ محمدحمیدخان ایدھی آزادکشمیرنے کی۔جبکہ اسٹیج سیکرٹری کے فرائض سیکرٹری جنرل سردارعمران شاہدنے کی۔

حافظ غلام مصطفی نے تلاوت کلام پاک سے تقریب کاآغازکیاتقریب میں سماجی شخصیات ٹرسٹ کے عہدیداران صحافیوں تھیلیسماکے مریضوں اوروالدین نے کثیرتعدادمیں شرکت کی تقریب سے خطاب کرتے ہوئے مقررین نے کہاکہ تھیلیسمیاایک موضی مرض ہے اس کاعلاج بہت مہنگاہے ان مریضوں کوہرہفتہ تازہ خون کی ضرورت ہوتی ہے الاقصی ٹرسٹ گزشتہ بارہ سالوں سے نامساعدحالات میں ان مریضوں کوفی سبیل اللہ خون فراہم کررہاہے ۔

جوٹرسٹ کاایک بڑاکام ہے اس کے لیے ٹرسٹ کے صدراورعہدیداران مبارک بادکے مستحق ہیں۔انہوں نے کہاکہ ٹرسٹ اتنابڑافریضہ صرف اورصرف اللہ کی مدداپنی مددآپ کے ساتھ اورچندفرشتہ صفت انسانوں کے تعاون سے انجام دے رہاہے ٹرسٹ اس وقت تک چودہ ہزارسے زائدمریضوں کوخون فراہم کرچکاہے ۔،مقررین نے کہاکہ تھیلمیسیاکے مرض میں مبتلاہزاروں بچے زندگی اورموت کی کشمکش میں مبتلاہیں ان کے ورثاء گوں ناگوں مسائل اورمشکلات کاشکارہیں۔

اوران کی ہسپتالوں تک رسائی بھی مشکل ہے ان کی قیمتی جانوں کوبچانے کے لیے حکومت مخیرحضرات،این جی اوز،اورفلاحی ادارے کرداراداکریں۔رمضان المبارک میں اپنی زکوة صدقات خیرات فطرانہ ٹرسٹ کودے کرمعصوم بچوں کے دست بازوں بنیں اورکارثواب حاصل کریں۔ٹرسٹ کے صدرنے شیخ زیدہسپتال انتظامیہ ضلعی انتظامیہ صحافیوں نوجوانوں اورتمام تعاون کنندگان کاشکریہ اداکیا۔