شوکت یوسفزئی کی ایل آر ایچ پشاور میں حملے میں زخمی ڈپٹی کمانڈنٹ ایف آر پی کی عیادت،واقعے میں شہید اہلکاروں کی نماز جنازہ میں شرکت،پوری قوم پولیس فورس کے شانہ بشانہ کھڑی ہے ،پولیس کی بے مثال قربانیوں پر فخر ہے،حالات کی نزاکت کے مطابق عوام بغیر نمبر پلیٹ گاڑی ،موٹر سائیکل روڈ پر نہ لائیں،پرائی جنگ سے نکلے بغیر دہشتگردی کا مکمل خاتمہ مشکل ہے ،صوبائی وزیر صحت اور حکومتی ترجمان کی میڈیا سے بات چیت

جمعرات 25 جولائی 2013 23:27

پشاور(اُردو پوائنٹ اخبار تازہ ترین۔آئی این پی۔25جولائی۔2013ء) حکومت خیبر پختونخوا کے ترجمان اورصوبائی وزیر صحت شوکت علی یوسفزئی نے جمعرات کے روز پشاور میں ڈپٹی کمانڈنٹ ایف آر پی گل ولی خان پر حملے کی مذمت کرتے ہوئے دہشت گردی کے خلاف جنگ میں پولیس فورس کی لا زوال قربانیوں کو زبردست خراج تحسین پیش کیا ہے اور کہا ہے کہ اس کی قربانیاں رائیگاں نہیں جائینگی اور اس خطے کو سب مل کر امن کا گہوارہ بنائیں گے۔

جمعرات کے روزپولیس لائن پشاور میں مذکورہ واقعہ میں جام شہادت نوش کرنے والے ڈپٹی کمانڈنٹ کے محافظ اور ڈرائیور کی نماز جنازہ میں شرکت اور لیڈی ریڈنگ ہسپتال پشاور میں زخمی ڈپٹی کمانڈنٹ گل ولی خان کی عیادت کے بعد میڈیا سے گفتگو کرتے ہوئے شوکت یوسفزئی نے کہا کہ پوری قوم ہماری بہادر پولیس فورس کے شانہ بشانہ کھڑی ہے اور وطن عزیز کیلئے پولیس فورس کی بے مثال قربانیوں پر اسے فخر ہے۔

(جاری ہے)

انہوں نے گل ولی خان کے صاحبزادے کے ساتھ اظہار ہمدردی کرتے ہوئے انہیں دلاسہ دیا کہ پوری قوم اس مشکل آزمائش میں ان کے ساتھ ہے اورمذکورہ واقعہ میں ملوث مجرموں کو کیفر کردار تک پہنچایا جائیگا۔ایک سوال کے جواب میں ترجمان نے کہا کہ یہ خالصتاً دہشت گردی کا واقعہ ہے چونکہ پولیس فورس دہشت گردی کا مقابلہ کرنے اور قوم کو تحفظ دینے کی براہ راست ذمہ دار ہے اس لئے یہ ٹارگٹ پر ہے۔

انہوں نے کہا کہ ہماری بھر پور کوشش ہے کہ سیکورٹی اداروں کے ساتھ مل کرحالات کو بہتر بنائیں تاہم انہوں نے کہا کہ جب تک دہشت گردی کی روک تھام کیلئے واضح قومی پالیسی نہیں بنائی جاتی اور پرائی جنگ سے نکلنے کا باقاعدہ اعلان نہیں کیا جاتا دہشت گردی کا مکمل خاتمہ مشکل ہے۔انہوں نے کہا کہ دہشت گردی کے معاملے میں پاکستان تحریک انصاف کا موقف بالکل واضح ہے اور ہم چاہتے ہیں کہ اس خطے میں جاری خون ریزی کو مستقل طور پر بند کیا جائے اور یہاں کے معصوم لوگوں کو اس جنگ کا ایندھن بننے سے محفوظ کیا جائے۔

ایک دوسرے سوال کے جواب میں شوکت یوسفزئی نے عوام سے اپیل کی کہ وہ حالات کی نزاکت کا احساس کرتے ہوئے حکومت کے ساتھ بھر پور تعاون کریں اور بغیر نمبر پلیٹ گاڑی خصوصاً موٹر سائیکل روڈپر نہ لائیں کیونکہ یہ عام حالات نہیں بلکہ ہم حالت جنگ میں ہیں۔ اس لئے وقت کا تقاضا ہے کہ امن و امان کے قیام میں سیکورٹی اداروں کا بھر پور ساتھ دیا جائے۔انہوں نے مذکورہ واقعہ میں جام شہادت نوش کرنے والے محافظ اور ڈرائیور کے درجات کی بلندی اور زخمی ڈپٹی کمانڈنٹ گل ولی خان کی جلد صحت یابی کیلئے دعا کی۔

Browse Latest Health News in Urdu

ہومیو پیتھک طریقہ علاج  سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا

ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے  زندگی بچائی جاسکتی ہیں، ایم ..

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط

2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے

2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے

پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی

پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی

وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو

وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو