پلاننگ کمیشن ڈیرہ اسما عیل خان میں اربوں روپے کے ترقیاتی منصوبوں پر کام کررہا ہے ‘ جلد ہی ان منصوبوں پر عملی کام کاآغاز کیا جارہا ہے‘ جلد ہی ان منصوبوں پر عملی کام کاآغاز کیا جارہا ہے‘ملکی سیاست میں جماعتی اصولوں پر کاربند رہنے کے ساتھ ساتھ ڈیرہ اسما عیل خان کی ترقی اور خوشحالی سے ہم کبھی غافل نہیں ہو ئے ‘ماضی میں ڈیرہ کے عوام کو فسٹ چشمہ لفٹ کینال کے نام پر بے وقوف بنایا گیا ‘ڈیرہ کیلئے سیکنڈ اور تھرڈ لفٹ کینال کے منصوبوں کا پی سی ون تیاری کے بعد منظوری کیلئے تیار ہے، جمعیت علماء اسلام (ف)کے مرکزی امیر مولانا فضل الرحمان کی صحافیو ں سے با ت چیت

ڈیرہ اسما عیل خان ( اُردو پوائنٹ تازہ ترین اخبار۔آئی این پی۔ 3اگست 2013ء ) جمعیت علماء اسلام (ف)کے مرکزی امیر مولانا فضل الرحمان نے کہا ہے کہ پلاننگ کمیشن ڈیرہ اسما عیل خان میں اربوں روپے کے ترقیاتی منصوبوں پر کام کررہا ہے ‘ جلد ہی ان منصوبوں پر عملی کام کاآغاز کیا جارہا ہے‘ملکی سیاست میں جماعتی اصولوں پر کاربند رہنے کے ساتھ ساتھ ڈیرہ اسما عیل خان کی ترقی اور خوشحالی سے ہم کبھی غافل نہیں ہو ئے ڈیرہ اسما عیل خان کے عوام کو ماضی میں فسٹ چشمہ لفٹ کینال کے نام پر بے وقوف بنایا گیا تھا مگر اب نہ صرف فسٹ چشمہ لفٹ کینال پر عملی کام کا آغاز ہونے والے ہے بلکہ ڈیرہ اسما عیل خان کے اس خطے کے لیئے سیکنڈ اور تھرڈ لفٹ کینال کے منصوبوں کا بھی پی سی ون تیار کرکے منظوری کے لیئے پیش کئے جانے کا حتمی فیصلہ کیا گیا ہے ۔

(جاری ہے)

گزشتہ روز یہاں صحافیوں سے گفتگو کرتے ہوئے مولانا فضل الرحمان نے بتایا کہ اسی طرح ٹانک زام، شیخ حیدر زام اور چودھوان زام کے منصوبوں کی رقم بھی پلاننگ کمشن نے منظوری کے لیئے پیش کرنے کی یقنی دہانی کرائی ہے، انہوں نے کہا کہ ان منصوبوں سے ڈیرہ اسما عیل خان میں نہ صرف زرعی انقلاب رونما ہوگا بلکہ پورے ملک کی غذائی ضرورت ڈیرہ اسما عیل خان پوری کرے گا جس سے علاقے کے زمیندار خوشحال ہوں گے، مولانا فضل الرحمان نے کہا کہ واپڈا حکام کو ہدایت کہ ھئی ہے کہ ڈیرہ اسما عیل خان میں نئے گرڈ اسٹیشن کی تعمیر کے کام کو جلد از جلد مکمل کرکے اسے فعال بنایا جائے تاکہ یہاں کے عوام کو بجلی کی تکلیف کا جلد از جلد خاتمہ ہو، انہوں نے کہا کہ متعدد نئے فیڈرز پر کام جری ہے جبکہ جلد ہی گومل زام ڈیم کا بھی افتتاح کردیا جائے گا جس سے ایک وسیع رقبہ نہ صرف سیراب ہوگا بلکہ بجلی کی پیدوار سے ڈیرہ اسما عیل خان اور نیشنل گرڈ پر عائد بوجھ میں بھی کسی حد تک کمی ہوگی، انہوں نے کہا کہ سنٹرل جیل ڈیر ہ کے واقعہ پر ڈیرہ اسما عیل خان کے ہر شہری کے پاس ایک حیران کن سٹوری ہے، یہ واقعہ اور شہریوں میں پائی جانے والی قیاس آرائیاں تحفظ کے زمہ داروں کے لیئے بہت بڑا سوالیہ نشان ہیں ۔

Your Thoughts and Comments