آفتاب ہسپتال گوجرخان کی پنجاب ہیلتھ کئیر کمیشن رولز کی خلاف ورزی،آپریشن تھیٹر کو بغیر ڈی سیل آرڈر پی ایچ سی کے کھول دیا

گوجرخان(اُردو پوائنٹ اخبارتازہ ترین - این این آئی۔ 04 جون2020ء) آفتاب ہسپتال گوجرخان کی پنجاب ہیلتھ کئیر کمیشن رولز کی خلاف ورزی،آپریشن تھیٹر کو بغیر ڈی سیل آرڈر پی ایچ سی کے کھول دیا، ڈی ڈی ایچ او گوجرخان کی درخواست پر گوجرخان تھانہ میں ڈاکٹر آفتاب کے خلاف ایف آئی آر درج، پولیس نے ڈاکٹر آفتاب کو گرفتار کر لیا،اہل علاقہ کا بھرپور خیر مقدم، تفصیلات کے مطابق گائناکالوجسٹ ڈاکٹر صداقت آفتاب کے شوہر ڈاکٹر آفتاب جو کہ آفتاب ہسپتال کے مالک ہیں کو گزشتہ روز گوجرخان پولیس نے گرفتار کر لیا ان کے خلاف ڈی ڈی ایچ او گوجرخان احمد فاروق نے تھانہ گوجرخان میں درخواست دی کہ آفتاب ہسپتال کے مالک ڈاکٹر آفتاب نے پی ایچ سی رولز کی خلاف ورزی کرتے ہوئے بغیر پنجاب ہیلتھ کئیر کمیشن کے ڈی سیل آرڈر خود سے اپنا آپریشن تھیٹر ڈی سیل کیا جو کہ قانون کی کھلی خلاف ورزی ہے جس پر گوجرخان پولیس نے کارروائی کرتے ہوئے ڈاکٹر آفتاب کو گرفتار کر لیا یاد رہے کہ کچھ عرصہ قبل ڈاکٹر صداقت آفتاب کے خلاف مختلف عوامی شکایات پر اس وقت نوتعینات ڈی ڈی ایچ او احمد فاروق نے آفتاب ہسپتال کا دورہ کیا تو وہاں پر پی ایچ سی رولز کی خلاف ورزیاں صفائی کا نہ ہونا،مس ویسٹ مینجمنٹ، نان کوالیفائیڈ عملہ اور زائد المیعاد میڈیسن برآمد ہونے پر ہسپتال انتظامیہ کو وارننگ دی کہ وہ پنجاب ہیلتھ کئیر کمیشن کے رولز کو پورا کریں نہیں تو ان کے خلاف سخت کارروائی عمل میں لائی جائے گی اور اس وقت صرف ان کا پی ایچ سی فارم پر چالان کرتے ہوئے آپریشن تھیٹر ہال سیل کیا اور ہسپتال کی غفلت و نااہلی کے خلاف رپورٹ پی ایچ سی بھیج دی جس پر آفتاب ہسپتال کے مالک ڈاکٹر آفتاب نے ڈی ڈی ایچ او گوجرخان کو بھی ایک کروڑ ہرجانہ کا نوٹس بھیج دیا تھا ڈاکٹر آفتاب نے ڈی ڈی ایچ او کے اختیارات اور محکمہ پی ایچ سی کو سرے سے تسلیم نہ کیا اور کچھ عرصہ بعد ازخود ہی اپنا آپریشن تھیٹر ڈی سیل کر لیا جس کا پتہ چلنے پر ڈی ڈی ایچ او احمد فاروق نے آفتاب ہسپتال چھاپہ مارا تو موقع پر جس آپریشن تھیٹر کو انہوں نے سیل کیا تھا وہ اوپن ملا پنجاب ہیلتھ کئیر کمیشن کے قانون کے مطابق انہوں نے تھانہ گوجر خان کو مطلع کیا اور اس کے بعد تمام کاروائی عمل میں لائی گئی