کرونا احتیاطی تدابیر کی صریحا خلاف ورزیاں ہو رہی ہیں ،تمام ادارے احتیاطی تدابیر کے اطلاق کو یقینی بنائیں،ڈپٹی کمشنر سرگودھا

محکمہ صحت کورونا کے مصدقہ مریضوں کے لواحقین اور روابط کے زیادہ سے زیادہ نمونے حاصل کرکے ان کے لیبارٹری تشخیص یقینی بنائیں ،عبدالله نئیر شیخ

سرگودہا(اُردو پوائنٹ اخبارتازہ ترین - این این آئی۔ 04 جون2020ء)ڈپٹی کمشنر عبداللہ نیئر شیخ نے محکمہ صحت کو ہدایت کی کہ کورونا کے مصدقہ مریضوں کے لواحقین اور روابط کے زیادہ سے زیادہ نمونے حاصل کرکے ان کے لیبارٹری تشخیص یقینی بنائیں تاکہ ناگہانی اموات کو روکا جاسکے جبکہ ڈینگی لاروا کی موجودگی کی صورت میں مالکان کے خلاف مقدمات قائم کئے جائیں تاکہ ڈینگی کو پھیلنے سے روکا جا سکے۔

(جاری ہے)

انہوں نے انسداد ڈینگی وکورونا کمیٹی کے اجلا س کی صدارت کر تے ہوئے کہا کہ کورونا احتیاطی تدابیر کی صریحا خلاف ورزیاں ہو رہی ہیں جس سے اس مرض کے متعدی ہونے اور شرح اموات بڑھنے کے خدشات سامنے آرہے ہیں ۔انہوں نے تمام اداروں کو حکم دیاکہ کورونا احتیاطی تدابیر کے اطلاق کو یقینی بنائیں ۔انہوں نے ہدایت کی کہ کورونا کے علامات والے مصدقہ اور شدید مریضوں کو ہوم آئسولیشن کی اجازت نہ دی جائے جبکہ ہوم آئسولیشن مریضوں کی روزانہ کی بنیاد پر مانیٹرنگ اور تھرموسکیننگ کو ریکارڈ کاحصہ بنایا جائے ۔انہوں نے ہدایت کی کہ انسداد کورونا ٹیموں کی تعداد میں اضافہ کر کے کورونا کے مریضوں کی تلاش کو تیز کیا جائے تاکہ اس بیماری کے پھیلاو کو روکنے میں مدد مل سکے۔

Your Thoughts and Comments