جرمنی، کوروناوائرس سے متاثرہ خاندان کے ہر بچے کو 55 ہزار روپے دینے کا اعلان، جرمن چانسلر انجیلا مرکل

جرمنی، کوروناوائرس سے متاثرہ خاندان کے ہر بچے کو 55 ہزار روپے دینے کا ..
برلن (اُردو پوائنٹ اخبارتازہ ترین - اے پی پی۔ 06 جون2020ء)جرمنی کی حکومت نے اعلان کیا ہے کہ کورنا وائرس کی وجہ سے متاثر ہونے والے خاندانوں کے ہر بچے کو 300 یورو حکومت کی جانب سے فراہم کیے جائیں گے۔ جرمنی خبر رساں ادارے کے مطابق جرمن چانسلر انجیلا مرکل نے کوروناوائرس سے متاثرہ اہل خانہ اور لاک ڈاؤن کی وجہ سے معاشی تنگ دستی کا شکار ہونے والے خاندانوں کے لیے 114 ارب پائونڈز کا فنڈ مختص کیا ہے۔

کورونا وائرس اور لاک ڈاؤن کی وجہ سے جرمنی کی معیشت گزشتہ 70 سالوں کے مقابلے میں بدترین صورت اختیار کرگئی ہے ، جس کی وجہ سے شرح نمو کم ہو کر 6.3 فیصد تک پہنچ گئی۔جرمن چانسلر انجلا مرکل نے کہا کہ ہم سب مل کر ایک بار پھر ملکی معیشت کو اٹھائیں گے، جرمنی میں 70 لاکھ سے زائد ملازمین اور مزدوروں کو لاک ڈاؤن کی وجہ سے ملازمت سے ہاتھ دھونا پڑے ہیں ۔

(جاری ہے)

انہوں نے کہا کہ متاثرہ خاندانوں کی مدد کرنے کے لیے حکومت نے بہت سارے اقدامات اٹھائے ہیں ، حکومت نے گاڑیاں بنانے والی صنعت کو بھی خصوصی مراعات دی ہیں تاکہ ہم الیکٹرک کاریں تیار کر کے انہیں دنیا بھر میں فروخت کریں، حکومت گاڑی بنانے والی کمپنیوں کو 5 ہزار 300 پاؤنڈز کی چھوٹ دے گی یا یہ رقم انہیں واپس کرے گی۔انہوں نے بتایا کہ کورونا وائرس کی وجہ سے متاثر ہونے والے خاندانوں کے ہر بچے کو300 یورو ( پاکستانی 55 ہزار ،360 روپی) حکومت کی طرف سے دیئے جائیں گے، تاکہ ہم ایک بار پھر خوش حالی کی طرف لوٹ جائیں اور پھر ملکی معیشت کو بنائیں۔

Your Thoughts and Comments