خار جیل باجوڑ میں چھ قیدیوں میں کرونا وائرس کی تصدیق‘ ہسپتال منتقل

خار جیل باجوڑ میں چھ قیدیوں میں کرونا وائرس کی تصدیق‘ ہسپتال منتقل
پشاور (اُردو پوائنٹ اخبارتازہ ترین - اے پی پی۔ 11 جولائی2020ء)ضلع باجوڑ کے خار جیل میں چھ قیدیوں میں کرونا وائرس کی تصدیق کے بعد ہسپتال منتقل کردیاگیا ۔

(جاری ہے)

ڈسٹرکٹ ہیلتھ افسیرڈاکٹر عدنان نے ہفتے کے روز صحافیوں کو بتایاکہ چھ قیدیوں جن کے کرونا وائرس ٹیسٹ کیلئے کچھ دن پہلے نمونے لیے گئے تھے میں باقاعدہ طور پر کرونا کی تشخیص ہوگئی ہے ۔ انھوں نے بتایاکہ مذکورہ بالا تمام قیدی خار جیل کے ہیں جنھیں علاج کے لیے ڈسٹرکٹ ہیڈکوارٹر ہسپتال خار منتقل کردیاگیا ہے۔ریسکیو 1122 کے حکام کے مطابق خار جیل میں چھ قیدیوں میں کرونا وائرس کے تصدیق کے بعد جیل کی بیرکوں سمیت پوری عمارت میں جراثیم کش سپرے کیا گیاہے تاکہ جیل کے دیگر قیدی اور عملہ کرونا وائرس سے محفوظ رہے ۔

Your Thoughts and Comments