قصور، کوروناوائرس سے بچائو کیلئے قوت مدافعت میں اضافہ کرنے والی خوراک استعمال کرنی چاہیئے، حکیم میاں لیاقت احمد

قصور (اُردو پوائنٹ اخبارتازہ ترین - اے پی پی۔ 11 جولائی2020ء) کوروناوائرس سے بچائو کیلئے ہمیں خوراک میں ایسی اشیاء کا استعمال بڑھا دیناچاہئیے جو ہماری جسمانی قوت مدافعت میں اضافہ کرتی ہیں جبکہ لہسن‘ ٹماٹر‘ پالک ‘کھیرے‘شملہ مرچ اور دیگرکئی قدرتی آرگینک اشیاء کا استعمال ہماری قوت مدافعت بڑھاسکتاہے نیزاچھی غذاکے علاوہ ہرشخص کوروزانہ صحتمند ہواخوری کیساتھ ساتھ نصف گھنٹہ چہل قدمی اور مناسب ورزش بھی توجہ دینی چاہئیے تاکہ کورونا وائرس ان پر فوری حملہ آورنہ ہوسکے۔

(جاری ہے)

ان خیالات کا اظہارفاضل طب الجراحت‘فزیشن آف ہربل میڈیسن قصورحکیم میاں لیاقت احمدعلی نے دوران ملاقات’’اے پی پی‘ ‘ سے گفتگو کرتے ہوئے کیا۔ انہوں نے بتایا کہ صحتمند معاشرے کی تشکیل کیلئے اچھی ‘سادہ اور متوازن خوراک ناگزیر ہے جبکہ ہمیں معاشرے میں سادہ خوراک کے استعمال کی ہرممکن حوصلہ افزائی کرناہوگی۔کورونا وائرس کے حالیہ بحران کا ذکرکرتے ہوئے انہوں نے بتایا کہ ہمیں خوراک میں ایسی اشیاء کا استعمال بڑھا دیناچاہئیے جو ہماری جسمانی قوت مدافعت میں اضافہ کرتی ہیں۔

Your Thoughts and Comments