بند کریں
صحت صحت کی خبریںفریضہ حج کی ادائیگی کیلئے حجاز مقدس پہنچنے والے لاکھوں فرزندان اسلام نے منیٰ کا روخ کرلیا ..

صحت خبریں

وقت اشاعت: 15/10/2013 - 14:06:55 وقت اشاعت: 14/10/2013 - 22:42:42 وقت اشاعت: 14/10/2013 - 15:17:11 وقت اشاعت: 13/10/2013 - 21:24:02 وقت اشاعت: 13/10/2013 - 15:58:44 وقت اشاعت: 13/10/2013 - 15:58:44 وقت اشاعت: 13/10/2013 - 15:45:46 وقت اشاعت: 13/10/2013 - 14:19:39 وقت اشاعت: 12/10/2013 - 23:26:03 وقت اشاعت: 12/10/2013 - 20:29:06 وقت اشاعت: 12/10/2013 - 20:27:03

فریضہ حج کی ادائیگی کیلئے حجاز مقدس پہنچنے والے لاکھوں فرزندان اسلام نے منیٰ کا روخ کرلیا ، رات منیٰ میں گزارینگے ،(کل )حج کے رکن اعظم ”وقوف عرفات“ کیلئے میدان عرفات پہنچ کر فریضہ حج ادا کرینگے، مسجد نمرہ میں خطبہ حج سننے کیساتھ ساتھ نماز ظہر اور عصر میدان عرفات میں ادا کی جائیگی

مکہ مکرمہ(اُردوپوائنٹ اخبارتازہ ترین۔13اکتوبر۔2013ء)فریضہ حج کی ادائیگی کیلئے دنیا بھر سے حجاز مقدس پہنچنے والے لاکھوں فرزندان اسلام نے منیٰ کا روخ کرلیا ، (کل)9 ذوالحج کو حج کے رکن اعظم ”وقوف عرفات“ کیلئے میدان عرفات پہنچ کر فریضہ حج ادا کریں گے، مسجد نمرہ میں خطبہ حج سننے کے ساتھ ساتھ نماز ظہر اور عصر میدان عرفات میں ادا کی جائیگی۔ تفصیلات کے مطابق حجاز مقدس میں مناسک حج کا باقاعدہ آغاز ہوگیا ہے لاکھوں عازمین نے مکہ مکرمہ سے منیٰ کا رخ کرلیا ہے جہاں وہ رات قیام کے بعد (کل)نو ذو الحج کو حج کے رکن اعظم ”وقوف عرفات“ کیلئے میدان عرفات پہنچ کر فریضہ حج ادا کریں گے، مسجد نمرہ میں خطبہ حج سننے کے ساتھ ساتھ نماز ظہر اور عصر میدان عرفات میں ادا کی جائیگی اور مغرب کے درمیان وقوف عرفات ہوگا جس میں حاجی اللہ رب العزت کے حضور انتہائی خشوع و خضوع کے ساتھ دعائیں کریں گے۔

سورج غروب ہونے کے ساتھ ہی حاجیوں کیلئے فوری طور پر میدان عرفات چھوڑنے کا حکم ہے اس کے بعد حجاج مزدلفہ کیلئے روانہ ہونگے۔ مزدلفہ پہنچنے کے بعد حاجی سب سے پہلے نماز مغرب اور نماز عشاء اکٹھی ادا کریں گے اور کنکریاں چننے کے بعد رات کھلے آسمان کے نیچے مزدلفہ میں قیام کریں گے۔10ذوالحج کو نماز فجر کی ادائیگی کے بعد حاجی منیٰ واپس پہنچیں گے جہاں پہلے دن بڑے شیطان کو کنکریاں مار کر قربانی کریں گے اوررمی کے بعد بال منڈوا کر احرام کھول دیں گے۔

11 ذوالحج کو بھی حاجی شیطانوں کو کنکریاں ماریں گے اور اس دن بھی رات کا ایک خاص پہر منیٰ میں قیام کرنے کا حکم ہے۔12 ذوالحج کو آخری دن شیطان کو کنکریاں مارنے کے بعد حاجیوں کی مکہ کیلئے واپسی شروع ہوجائیگی۔ 12 ذوالحج مغرب سے پہلے پہلے تمام حاجیوں کیلئے لازم ہے کہ وہ مکتہ المکرمہ مسجد حرام پہنچ کر طواف زیارت کریں ۔
13/10/2013 - 15:58:44 :وقت اشاعت