بند کریں
صحت صحت کی خبریںاساتذہ اور طلبا وطالبات ڈینگی کے خاتمے کے لئے گرانقدر خدمات سرانجام دے رہے ہیں‘ لبنی فیصل،اینٹی ..

صحت خبریں

وقت اشاعت: 15/12/2013 - 18:59:44 وقت اشاعت: 15/12/2013 - 14:40:51 وقت اشاعت: 15/12/2013 - 14:06:22 وقت اشاعت: 15/12/2013 - 14:05:04 وقت اشاعت: 14/12/2013 - 16:21:12 وقت اشاعت: 14/12/2013 - 16:20:09 وقت اشاعت: 14/12/2013 - 15:54:37 وقت اشاعت: 14/12/2013 - 15:54:37 وقت اشاعت: 14/12/2013 - 14:00:52 وقت اشاعت: 14/12/2013 - 13:59:12 وقت اشاعت: 14/12/2013 - 12:13:55

اساتذہ اور طلبا وطالبات ڈینگی کے خاتمے کے لئے گرانقدر خدمات سرانجام دے رہے ہیں‘ لبنی فیصل،اینٹی ڈینگی ریگولیشن پر عملدرآمد نہ کرنے والے سکولوں کے خلاف سخت کارروائی کی جائے گی‘ یاسین سوہل

لاہور (اُردو پوائنٹ تازہ ترین اخبار۔ 14دسمبر 2013ء) اراکین صوبائی اسمبلی چوہدری یاسین سوہل اور لبنیٰ فیصل نے کہا ہے کہ وزیراعلی محمد شہباز شریف کی قیادت میں عوامی نمائندے اور معاشرے کا ہر فرد ڈینگی کے خاتمے کے لئے سرتوڑ کوششوں میں مصروف ہے اور انشاء اللہ مربوط ومنظم جدوجہد کے ذریعے لوگوں کا شعور اجاگر کرکے ڈینگی پر قابو پانے میں کامیاب ہو جائیں گے۔

یہ بات انہوں نے ہفتہ کے روز الائیڈ ہائی سکول والٹن کیمپس میں اینٹی ڈینگی آگاہی سیمینار کے موقع پر کہی۔سیمینار میں پرنسپل الائیڈ سکول صائمہ،پرنسپل خواجہ رفیق شہید کالج جہانگیررانا،انٹامالوجسٹ ڈاکٹر سعید،ایجوکیشنل این جی اوز اور پرائیویٹ سکولز ویلفیئر ایجوکیشن کے عہدیداران ،محکمہ صحت وتعلیم کے افسران ،اساتذہ،طلبا وطالبات کے علاوہ پی پی 155 مسلم لیگ (ن) کے صدر ملک مسعود کوآرڈینیٹرفیضان اسلم نے شرکت کی۔

اراکین صوبائی اسمبلی نے سیمینار سے خطاب کرتے ہوئے کہاکہ اساتذہ اور طلبا وطالبات ڈینگی کے خاتمے کے لئے گرانقدر خدمات سرانجام دے رہے ہیں۔انہوں نے کہا کہ اینٹی ڈینگی ریگولیشن پر عملدرآمد نہ کرنے والے سکولوں کے خلاف سخت کارروائی کی جارہی ہے۔ اراکین اسمبلی نے اینٹی ڈینگی ٹیموں کے ہمراہ گورنمنٹ گرلز وبوائز ہائی سکول والٹن،گورنمنٹ پرائمر ی سکولز لک لائن ، گورنمنٹ بوائزمڈل سکول گلبہار کالونی ،گورنمنٹ گرلز کسٹم مڈل سکول اورگورنمنٹ بوائز مڈل سکول والٹن میں ڈینگی لاروا انسپکشن کی اور صفائی کی صورتحال کو تسلی بخش قرار دیا جبکہ انہوں نے دی کنٹری سکول والٹن کیمپس ،ڈیسنٹ پبلک ہائی سکول اور گورنمنٹ پرائمری سکول ریلوے اکیڈمی کو صفائی کی انتہائی ناقص صورتحال اور باتھ رومز وکیاریوں میں پانی کھڑا ہونے اور اینٹی ڈینگی ریگولیشنز پر عملدرآمد نہ کرنے کی پاداش میں سکول پرنسپلز کو نوٹسزجاری کرنے کا حکم دیا۔

انہوں نے بروملے ہائی سکول والٹن کے اندر شادی ہال چلانے اور صفائی نہ ہونے پر سکول ہذا کے پرنسپل کو بھی نوٹس جاری کیا۔
14/12/2013 - 16:20:09 :وقت اشاعت