بند کریں
صحت صحت کی خبریںآزاد کشمیر ، گلگت بلتستان اور مری سمیت پہاڑی علاقوں میں برف باری اور بارش کے باعث سردی کی ..

صحت خبریں

وقت اشاعت: 23/12/2013 - 22:54:27 وقت اشاعت: 23/12/2013 - 22:01:43 وقت اشاعت: 22/12/2013 - 21:17:44 وقت اشاعت: 22/12/2013 - 19:18:54 وقت اشاعت: 22/12/2013 - 17:48:31 وقت اشاعت: 22/12/2013 - 14:03:53 وقت اشاعت: 21/12/2013 - 18:29:17 وقت اشاعت: 21/12/2013 - 15:44:04 وقت اشاعت: 21/12/2013 - 14:26:02 وقت اشاعت: 21/12/2013 - 13:33:13 وقت اشاعت: 20/12/2013 - 22:15:58

آزاد کشمیر ، گلگت بلتستان اور مری سمیت پہاڑی علاقوں میں برف باری اور بارش کے باعث سردی کی لہر میں مزید اضافہ ،راستے بند ہوجانے سے لوگوں کی مشکلات بڑ ھ گئیں ، لکڑی اور گیس کی قیمتوں میں اضافہ ، زمینی رابطے منقطع ، کئی علاقوں میں اشیائے ضروریہ کی قلت پیدا ہوگئی ،بچے اور بوڑھے کھانسی ، نزلہ کی بیماری میں مبتلا ہوگئے ،طبی ماہرین نے احتیاط برتنے کی ہدایت کر دی

مری/گلگت /مظفر آباد/کوئٹہ /پشاور (اُردو پوائنٹ اخبار تازہ ترین۔22دسمبر۔2013ء)آزاد کشمیر ، گلگت بلتستان اور مری سمیت پہاڑی علاقوں میں برف باری اور بارش کے باعث سردی کی لہر میں مزید اضافہ ہوگیا ، راستے بند ہوجانے سے لوگوں کی مشکلات بھی بڑھ گئیں ، لکڑی اور گیس کی قیمتیں بڑھادی گئیں ، زمینی رابطے منقطع ہونے پر کئی علاقوں میں اشیائے ضروریہ کی قلت پیدا ہوگئی ،بچے اور بوڑھے کھانسی ، نزلہ کی بیماری میں مبتلا ہوگئے جبکہ طبی ماہرین نے احتیاط برتنے کی ہدایت کر دی ہے ۔

محکمہ موسمیات کے مطابق مری ، گلگت بلتستان اورغذر میں ہلکی برفباری اور اپر اور لوئر دیر میں بارش کے بعدسردی کی شدت میں اضافہ ہوگیا رات بھر ہونے والی برفباری کے باعث چترال کو ملک کے دیگر حصوں سے ملانے والا واحد زمینی راستہ لواری ٹاپ ہر قسم کے ٹریفک کیلئے بند ہوگیا ہے، جس کی وجہ سے درجنوں گاڑیاں سرنگ کے باہر پھنس گئیں جس سے مسافروں کو شدید مشکلات سے دوچار کردیا اس کے علاوہ ملکہ کوہسارمری میں بھی وقفے وقفے سے بارش اوربرفباری کا سلسلہ جاری رہا پنجاب میں سیالکوٹ اور پوٹھوہار ریجن میں بھی کہیں کیں بارش ہوئی ہے جس نے موسم کو مزید دلفریب بنادیا تاہم وسطی اور جنوبی پنجاب میں دھند کا سلسلہ برقرار رہا، جو سڑکوں پر ٹریفک کی آمدو رفت کو مشکل بنا۔

شمال مشرقی بلوچستان اور ملحقہ علاقوں میں بھی سرد ہواوٴں کا راج رہا بعض مقامات پر رات کے وقت درجہ حرارت نقطہ انجماد سے بھی کئی درجہ نیچے چلا گیا تھا جس کا اثر دن میں بھی برقرار رہا۔ کوئٹہ سے چلنے والی یخ بستہ ہواوٴں نے کراچی سمیت سندھ اور بلوچستان کے ساحلی علاقوں میں بھی سردی کی شدت بڑھا دی ہے، کوئٹہ کے علاوہ زیارت ،چمن ،قلات ،مستونگ ،کولپور میں بھی برف باری ہوئی۔

شہری موسم کا بھرپور لطف اٹھا ئے۔کراچی میں لوگوں نے اس موسم سے لطف اندوز ہونے کے لئے تمام تر تیاری مکمل کرلی ہے، ہفتے اور اتوار کی درمیانی رات چکن کارن سوپ، یخنی اور سردیوں کی دیگر لوازمات کی دکانوں پر رش رہا جبکہ بالائی سندھ کے مختلف علاقوں کو دھند نے اپنی لپیٹ میں لے لیا دوسری جانب ماہرین نے سردی کی لہر مزید 2 سے 3 روز تک جاری رہنے کی پیش گوئی کی ہے، محکمہ موسمیات کے مطابق آئندہ 24 گھنٹوں کے دوران گلگت بلتستان، خیبر پختونخوا، کشمیر،اسلام آباد سمیت پوٹھوہار ریجن اور بالائی پنجاب میں کہیں کہیں بارش اور پہاڑوں پر ہلکی برفباری ہوگی جس کی وجہ سے سردی کی شدت میں اضافہ ہوسکتا ہے۔

محکمہ موسمیات کے مطابق سب سے کم درجہ حرارت گلگت میں 2 ڈگری سینٹی گریڈ تک جاپہنچا۔ اسکردو میں5، راول پنڈی اسلام آباد میں7، لاہور، پشاور اور سکھر میں 8، ملتان میں 9 جبکہ کراچی میں کم سے کم درجہ حرارت 16 ڈگری سینٹی گریڈ ریکارڈ کیا گیا۔
22/12/2013 - 14:03:53 :وقت اشاعت