- Home
- Health
- Health News
- تھر میں تمام ہلاکتیں صرف قحط سالی سے نہیں بیماریوں کی وجہ سے بھی ہوئی ہیں،وزیر اعلیٰ سندھ ،اعتراف ..
تھر میں تمام ہلاکتیں صرف قحط سالی سے نہیں بیماریوں کی وجہ سے بھی ہوئی ہیں،وزیر اعلیٰ سندھ ،اعتراف کرتا ہوں علاقے میں گندم صحیح طریقے سے تقسیم ہوئی نہ ہی ریلیف کے اداروں نے اپنی ذمہ داریاں پوری کیں ،سید قائم علی شاہ ، محکمہ صحت ضلع تھر کے ڈائریکٹر اور ایم ایس مٹھی سول اسپتال کو معطل جبکہ ڈپٹی کمشنر اور ایس پی کا تبادلہ کردیا گیا ہے ،وزیر اعلیٰ ہاوٴس میں پریس کانفرنس
جمعہ 7 مارچ 2014 18:46
کراچی (اُردو پوائنٹ اخبار تازہ ترین۔7مارچ۔2014ء) وزیر اعلیٰ سندھ سید قائم علی شاہ نے کہا ہے کہ تھر میں تمام ہلاکتیں قحط سالی سے نہیں بلکہ بیماریوں کی وجہ سے بھی ہوئی ہیں۔تاہم انہوں نے اعتراف کیا کہ علاقے میں گندم صحیح طریقے سے تقسیم نہیں ہوئی اور ریلیف کے اداروں نے اپنی ذمہ داریاں پوری نہیں کیں ۔ وزیراعلیٰ نے محکمہ صحت ضلع تھر کے ڈائریکٹر اور ایم ایس مٹھی سول اسپتال کو معطل کرکے غفلت مجرمانہ پر انہیں گرفتار کرنے کے احکامات جاری کئے ہیں جبکہ ضلع کے ڈپٹی کمشنر اور ایس پی کا فوری تبادلہ کردیا ہے ۔
وزیر اعلیٰ نے قحط کے متاثرین کی فوری امداد کے لیے ایک لاکھ دس ہزار گندم کی بوریاں مفت تقسیم کرنے ، ہلاک ہونے والے بچوں کے ورثاء کو دو لاکھ روپے فی کس امداد دینے اور ادویات کے لیے ایک کروڑ روپے فوری امداد کا اعلان کیا ہے ۔(جاری ہے)
ان خیالات کا اظہار انہوں نے وزیر اعلیٰ ہاوٴس میں ہنگامی پریس کانفرنس سے خطاب کرتے ہوئے کیا ۔ اس موقع پر صوبائی وزیر اطلاعات و بلدیات شرجیل انعام میمن ، صوبائی وزیر ماہی گیری ، پیپلز پارٹی سندھ کے جنرل سیکرٹری تاج حیدر سمیت منتخب اراکین اسمبلی بھی ان کے ہمراہ تھے ۔
پریس کانفرنس سے خطاب کرتے ہوئے وزیر اعلیٰ سندھ نے کہا کہ انہوں نے تھر پارکر میں مختلف علاقوں کا دورہ کیا اور افسران سے صورت حال دریافت کی ۔ انہوں نے کہا کہ تھر پارکر میں 60 ہزار گندم کی بوریاں پہلے سے موجود ہیں ، جو کہ ہم آدھی قیمت پر عوام کو فراہم کرتے تھے ، اب مزید 60 ہزار بوریوں کو ملا کر ایک لاکھ 20 ہزار گندم کی بوریاں عوام میں مفت تقسیم کریں گے ، جس کی مالیت دس کروڑ روپے کی ہے ۔ انہوں نے کہاکہ اس پیکچ کی تقسیم کے لیے ایک تین رکنی کمیٹی قائم کی جارہی ہے ، جس میں ایک ایم پی اے ، اسسٹنٹ کمشنر اور ایک مقامی صحافی شامل ہو گا تاکہ درست طریقے سے اس کی تقسیم ہو سکے ۔ انہوں نے کہا کہ ایک کروڑ روپے کی ادویات فوری طور پر فراہم کی جائے گی جبکہ ضرورت پر پڑنے پر مزید ادویات بھی خریدی جائیں گی ۔ انہوں نے کہا کہ مٹھی کے علاوہ تحصیلوں میں قائم اسپتالوں میں مریضوں کی تشخیص کے لیے مشینری نہیں ہے ، اس کو فراہم کریں گے اور کراچی سے سینئر ڈاکٹروں کی ایک ٹیم وہاں بھیج کر وہاں کے ڈاکٹروں تربیت دلائیں گے ۔ انہوں نے کہا کہ جو بچے مر گئے ہیں ، وہ غیر معمولی سردی کے باعث نمونیا ہونے سے کی وجہ سے ہلاک ہوئے ہیں کیونکہ ان کے پاس سردی سے بچنے کے لیے گرم کپڑے یا اچھے گھر نہیں ہوتے ۔ حکومت سندھ مرنے والے بچوں کے ورثاء کو دو لاکھ روپے فی کس امداد دے گی ۔ انہوں نے کہا کہ بچے اسپتال میں لائے گئے تو ان کے مرض کی صحیح تشخیص نہیں ہوئی اور نہ ہی اسپتال میں ادویات موجود تھیں ۔ ہم نے ایم ایس اور ڈائریکٹر ہیلتھ جو کہ دونوں 19 گریڈ کے افسر ہیں ، ان کو فرائض سے غفلت کے الزام میں معطل کرکے گرفتار کرنے کی ہدایت کی ہے جبکہ سندھ حکومت کو بروقت مطلع نہ کرنے پر ڈپٹی کمشنر اور ایس پی کا بھی تبادلہ کردیا گیا ہے ۔ انہوں نے کہاکہ ہمیں سرکاری طور پر 41 بچوں کی اموات کا بتایا گیا ہے تاہم میڈیا میں یہ تعداد بہت زیادہ بتائی گئی ہے ۔ ہم اس کی تحقیقات کرائیں گے ۔ اس حوالے سے ڈی آئی جی حیدر آباد ثناء اللہ عباسی کی سربراہی میں ایک کمیٹی قائم کردی گئی ہے جبکہ پاکستان پیپلز پارٹی کے جنرل سیکرٹری تاج حیدر کو ہدایت کی گئی ہے کہ وہ امدادی کاموں کی نگرانی کے لیے تھر پارکر میں ہی رہیں ۔ جب ان سے کہا گیا کہ سرکاری افسران کو تو معطل کیا گیا لیکن متعلقہ وزراء کو معطل کیوں نہیں کیا گیا تو انہوں نے کہا کہ جو موقع پر موجود افسران تھے ان کی غفلت واضح ہو گئی ہے جبکہ وزراء نے پہلے بھی متعدد دورے کرکے صورت حال کا جائزہ لیا تھا ۔ ایک سوال کے جواب میں انہوں نے کہا کہ تھر پارکر کی آبادی 16 لاکھ افراد پر مشتمل ہے ، جس میں سے زیادہ تر لوگ بالائی سندھ چلے جاتے ہیں کیونکہ یہ گندم کی کٹائی کا وقت ہے ۔ ایک اور سوال کے جواب میں انہوں نے کہا کہ تھرمیں 11 لاکھ جانور ہیں ، جن میں سے چار لاکھ کو ویکسی نیشن کیا جا چکا ہے ۔ انہوں نے کہا کہ مٹھی اسپتال میں جن بچوں کی حالت تشویشناک تھی ، ان کو رات کو ہی حیدر آباداسپتال منتقل کردیا گیا ہے ۔ ایک اور سوال کے جواب میں انہوں نے کہا کہ اگر مخیر حضرات یا امدادی ادارے کام کرنا چاہیں تو کریں تاہم حکومت اپنے وسائل سے صورت حال کو کنٹرول کرے گی ۔Browse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر