بند کریں
صحت صحت کی خبریںخیبر پختونخوا اسمبلی کی قائمہ کمیٹی برائے صحت کا اجلاس ،ادویات کی قیمتوں اور معیار پر تفصیلی ..

صحت خبریں

وقت اشاعت: 13/03/2014 - 20:09:20 وقت اشاعت: 13/03/2014 - 20:05:57 وقت اشاعت: 13/03/2014 - 19:31:23 وقت اشاعت: 13/03/2014 - 19:31:23 وقت اشاعت: 13/03/2014 - 19:31:23 وقت اشاعت: 13/03/2014 - 18:38:12 وقت اشاعت: 13/03/2014 - 16:55:55 وقت اشاعت: 13/03/2014 - 14:38:35 وقت اشاعت: 13/03/2014 - 14:29:18 وقت اشاعت: 13/03/2014 - 12:22:06 وقت اشاعت: 12/03/2014 - 22:45:37

خیبر پختونخوا اسمبلی کی قائمہ کمیٹی برائے صحت کا اجلاس ،ادویات کی قیمتوں اور معیار پر تفصیلی بحث، چیئرمین کمیٹی محمود جان نے سپیشل سیکرٹری ہیلتھ کو ٹی ایچ کیو ہسپتال بالاکوٹ کی تعمیر اور لکی مروت ہسپتال کی کارکردگی رپورٹ پیش کرنے کی ہدایت

پشاور(اُردو پوائنٹ اخبار تازہ ترین۔13مارچ۔2014ء)خیبر پختونخوا اسمبلی کی قائمہ کمیٹی برائے صحت کا ایک اجلاس جمعرات کے روز صوبائی اسمبلی سیکرٹریٹ پشاور کے کانفرنس روم میں رکن صوبائی اسمبلی محمود جان جو کمیٹی کے چیئرمیں بھی ہیں، کی زیر صدارت منعقد ہواجس میں اراکین صوبائی اسمبلی ڈاکٹر امجد علی، اعظم خان درانی، محمود احمد خان،ضیا ء الرحمان، محترمہ زرین ضیاء، ملیحہ تنویر اور آمنہ سردار کے علاوہ محکمہ صحت کے سپیشل سیکرٹری اکبر خان، ڈی جی ہیلتھ ڈاکٹر وحید، ایم ایس لیڈی ریڈنگ ہسپتال پشاور ڈاکٹر اقبال آفریدی اور دیگر متعلقہ حکام بھی شریک تھے۔

اجلاس میں قائمہ کمیٹی کو ڈسٹرکٹ میڈیسن کمیٹی کے بارے میں تفصیلی بریفنگ دی گئی اور ادویات کی قیمتوں اور معیار پر سیر حاصل بحث کی گئی ۔چیئرمین کمیٹی محمود جان نے سپیشل سیکرٹری ہیلتھ کو ٹی ایچ کیو ہسپتال بالاکوٹ کی تعمیر اور لکی مروت ہسپتال کی کارکردگی رپورٹ پیش کرنے کی ہدایت کی۔اسی طرح کمیٹی کے اراکین نے ڈی ایچ کیو ہسپتال بنوں میں بھرتیوں کے حوالے سے ڈسٹرکٹ ہیلتھ آفیسر بنوں سے تفصیلات حاصل کیں۔

ضلع سوات سے رکن صوبائی اسمبلی ڈاکٹر امجد علی نے سول ہسپتال مٹہ سوات اور بریکوٹ میں جونیر ڈاکٹروں کی بطور ایم ایس تقرری کی جانب چیئرمین کمیٹی کی توجہ مبذول کروائی جس پرسپیشل سیکرٹری ہیلتھ اکبر خان نے اس ضمن میں قانون کے مطابق ضروری اقدامات کی یقین دہانی کرائی۔اجلا س میں چیئر مین کمیٹی محمود جان نے شرکاء اجلاس کو ادویہ ساز کمپنیوں کے نمائندوں کے ہسپتالوں میں دورے کیلئے ہفتے میں ایک دن مختص کرنے کے حوالے سے تجاویز اگلے اجلاس میں پیش کرنے کی ہدایات دیں۔

انہوں نے کہا کہ صوبائی حکومت کی ترجیحات میں محکمہ صحت کی جدید خطوط میں بہتری اور عوام کو صحت کی مفت بنیادی سہولیات کی فراہمی کو بنیادی حیثیت حاصل ہے اور اس سلسلے میں کسی قسم کی کوتاہی اور سست روی برداشت نہیں کی جائے گی۔انہوں نے مزید کہا کہ سرکاری ہسپتالوں میں ادویات کی مفت فراہمی کو ہر صورت یقینی بنایا جائے۔قائمہ کمیٹی نے سپیشل سیکرٹری صحت اکبر خان کو اگلے اجلاس میں سرکاری ادویات کے نرخ اور میڈیکل افسران کی بھرتیوں کی لسٹ فراہم کرنے کی بھی ہدایت کی۔

13/03/2014 - 18:38:12 :وقت اشاعت