بند کریں
صحت صحت کی خبریں سونامی کی پیشرفت نے حکمرانوں کی نیندیں اڑا دیں ، عوام نے انصاف لینے کا عزم کر رکھا ہے ‘ عمران ..

صحت خبریں

وقت اشاعت: 10/06/2014 - 20:04:02 وقت اشاعت: 10/06/2014 - 16:42:20 وقت اشاعت: 10/06/2014 - 14:47:44 وقت اشاعت: 09/06/2014 - 21:22:25 وقت اشاعت: 08/06/2014 - 17:53:26 وقت اشاعت: 08/06/2014 - 15:09:04 وقت اشاعت: 07/06/2014 - 16:18:23 وقت اشاعت: 07/06/2014 - 13:20:26 وقت اشاعت: 06/06/2014 - 22:10:52 وقت اشاعت: 06/06/2014 - 21:05:49 وقت اشاعت: 06/06/2014 - 14:56:18

سونامی کی پیشرفت نے حکمرانوں کی نیندیں اڑا دیں ، عوام نے انصاف لینے کا عزم کر رکھا ہے ‘ عمران خان،سیالکوٹ میں تحریک انصاف کاسونامی دیکھ کر حکمرانوں کو ائیر کنڈیشنڈ کمروں میں بھی پسینہ آ گیا ،شدید گرمی کے باوجود عوام اور کارکنوں کی سیالکوٹ جلسے میں بھرپور شرکت پر شکر گزار ہوں‘ چیئرمین پی ٹی آئی

لاہور(اُردو پوائنٹ اخبار تازہ ترین۔8جون۔2014ء) پاکستان تحریک انصاف کے چیئرمین عمران خان نے کہا ہے کہ سونامی کی پیشرفت نے حکمرانوں کی نیندیں اڑا دی ہیں ،اسلام آباد ‘ فیصل آباد کے بعد سیالکوٹ میں تحریک انصاف کے جلسے میں عوام کے ٹھاٹھیں مارتے سمندر نے نام نہاد مینڈیٹ والے حکمرانوں کی پالیسیوں کو مسترد کر دیا ہے ، عوام نے عا م انتخابات میں ووٹ چرانے والوں کو کٹہرے میں لانے اور انصاف لینے کا عزم کر رکھا ہے ۔

ٹوئٹر پر اپنے پیغام اور ایک انٹر ویو میں عمران خان نے کہا کہ سیالکوٹ میں تحریک انصاف کاسونامی دیکھ کر حکمرانوں کو ائیر کنڈیشنڈ کمروں میں بھی پسینہ آ گیا ہے ، حکمران تیار رہیں انہیں بہاولپور میں اس سے بڑا جلسہ کر کے دکھائیں گے جس سے نام نہاد مینڈیٹ والے حکمرانوں کو اپنی حیثیت کا اندازہ ہو جائے گا ۔ انہوں نے مزید کہا کہ تحریک انصاف ملک میں صاف اور شفاف جمہوریت چاہتی ہے اور اس کے لئے شفاف انتخابی نظام نا گزیر ہے اور ہم اسی کے لئے جدوجہد کر رہے ہیں۔

واضح طور پر کہہ چکے ہیں کہ اگر انتخابی نظام میں اصلاحات نہ ہوئیں تو آئندہ عام انتخابات نہیں ہونے دیں گے ۔ا نہوں نے کہا کہ شدید گرمی کے باوجود عوام اور کارکنوں کی سیالکوٹ جلسے میں بھرپور شرکت پر شکر گزار ہوں اور اسکے ساتھ ساتھ جلسے کی تیاریاں کرنے والے رہنماؤں اور کارکنوں کو بھی انکی کامیاب کاوش پر مبارکباد پیش کرتا ہوں۔

08/06/2014 - 15:09:04 :وقت اشاعت