بجٹ میں تعلیم ،صحت ،زراعت پر خاص طور پر فوکس کیا گیا ہے جس سے ریاست میں خوشحالی آئے گی،سید بازل علی نقوی

مظفرآباد (اُردو پوائنٹ اخبار تازہ ترین20۔جون۔2014ء) وزیر اطلاعات زراعت ولائیوسٹاک سید بازل علی نقوی نے کہا ہے کہ پیپلزپارٹی کی حکومت نے وزیراعظم چوہدری عبدالمجید کی قیادت میں تیسرا ترقیاتی فلاحی اور معاشی نموں کو تیز تر کرنے کا انقلابی بجٹ پیش کرکے یہ ثابت کردیا ہے کہ وہ ریاست کے عوام کے مسائل حل کرنے اور ان کی خوشحالی کو یقینی بنانے کا پورا عزم رکھتے ہیں۔

شہید ذوالفقار علی بھٹو اور شہید محترمہ بے نظیر بھٹو کے برداشت ،رواداری اور مفاہمت کے کلچر کو فروغ دے کر کشمیر ی عوام کی مشکلات کم کرنے موجودہ حکومت کا نصب العین رہاہے تعلیم ،صحت ،زراعت پر خاص طور پر فوکس کیا گیا ہے جس سے ریاست میں خوشحالی آئے گی ۔ وزیراطلاعات نے ان خیالات کااظہاربجٹ اجلاس کے بعد پریس گیلری میں صحافیوں سے گفتگو کرتے ہوئے کیا۔

(جاری ہے)

انہوں نے کہا کہ موجودہ حکومت میں پہلی بار آزادکشمیر میں پہلی بار لیپ ٹاپ سکیم شروع کی ہے جس سے ہمارے ہونہار طلبہ اور طالبہ کے حوصلے بلند ہوں گے اور وہ اپنی تعلیمی سرگرمیاں زیادہ بہتر انداز میں جاری رکھ سکے گا۔ا نہوں نے کہاکہ یہ بھی ریاست کی تاریخ میں پہلی مرتبہ ہوا ہے کہ ہمیں اس بجٹ میں اسلامی ترقیابی بنک نے تعاون فراہم کیا ہے ۔

انہوں نے کہاکہ آزادکشمیر حکومت کم آمدن والے کاروبارئی حضرات و زمین داروں کے مسائل کو حل کرنے کے لیے خصوصی سکیمیں شروع کرے گی جن کے تحت ان کو بلا سود اور آسان شرائط پر قرضے فراہم کیے جائیں گے۔ انہوں نے کہاکہ مجوعی طور پر تقریبا 10ہزار تجارتی یونٹس مختلف اضلاع میں قائم کیے جائیں گے جن سے 18ہزار افراد کو براہ راست روزگار ملے گا اور اس سے ڈیڑھ لاکھ افرادمستفیدہوں گے۔

سید بازل علی نقوی نے واضح کیا کہ خواتین کو خود کفیل خواتین خوشحالی کشمیر کے نام سے شروع ہونے والے پائلٹ پراجیکٹ کے تحت بھرپور سہولت فراہم کی جائے گی۔اس پروگرام کے تحت 100تعلیمی یافتہ ہنر مند اور کاروبار شروع کرنے میں دلچسپی رکھنے والی خواتین کو بلا سود قرضے دیئے جائیں گے ۔انہوں نے کہاکہ ریاست کی تاریخ میں پہلی مرتبہ وزیراعظم گرین کیب سکیم شروع کی جارہی ہے ۔

انہوں نے کہاکہ حکومت نے معذور افراد کا بھی خصوصی خیال رکھا ہے اور ان کے لیے مختص رقم میں 100فیصد اضافہ کیا گیا ہے ۔وزیراطلاعات نے کہاکہ مہاجرین کی آباد کاری کے لیے 11کروڑ روپے کی رقم مختص کی گئی ہے جو ایک ریکارڈ ہے۔وزیر اطلاعات نے ایک کامیاب اور فلاحی بجٹ پیش کرنے پر وزیراعظم چوہدری عبدالمجید اور وزیر خزانہ چوہدری لطیف اکبر سمیت پوری کابینہ اور ارکان اسمبلی کو مبارک باد دی