این آئی ایچ کا کورونا ویکسین کی تیاری و ٹیسٹ کیلئے عید پر بھی چھٹی نہ کرنے کا فیصلہ

ویکسین کی تیاری شروع کر چکے ،چھٹیوں کے باعث تاخیر نہیں کرنا چاہتے،ویکسین کی ٹیسٹنگ کیلئے 15 دن اہم ہیں، حکام

این آئی ایچ کا کورونا ویکسین کی تیاری و ٹیسٹ کیلئے عید پر بھی چھٹی ..
اسلام آباد (اُردو پوائنٹ اخبارتازہ ترین - این این آئی۔ 08 مئی2021ء)قومی ادارہ صحت (این آئی ایچ) نے کورونا وائرس کی ویکسین کی تیاری و ٹیسٹ کے سلسلے میں عید پر بھی چھٹی نہ کرنے کا فیصلہ کیا ہے۔اس حوالے سے این آئی ایچ کے حکام کا کہنا ہے کہ این آئی ایچ کے اعلیٰ حکام اور ویکیسنیشن ڈیپارٹمنٹ عید پر موجود رہے گا۔

(جاری ہے)

انہوں نے کہا کہ ویکسین کی تیاری شروع کر چکے ہیں، عید پر چھٹیوں کے باعث ویکسین کی تیاری میں تاخیر نہیں کرنا چاہتے۔

حکام نے کہا ہے کہ ویکسین کی ٹیسٹنگ کیلئے 15 دن اہم ہیں۔انہوں نے کہا ہے کہ 15 دن کے دوران ویکسین کی عالمی معیار کے مطابق ٹیسٹنگ جاری رکھیں گے۔حکام این آئی ایچ نے کہا ہے کہ ٹیسٹنگ کے دوران کسی صورت بھی چھٹی نہیں کی جا سکتی، مئی کے اختتام تک ویکسین عوام کیلئے دستیاب ہو گی۔

Your Thoughts and Comments