24گھنٹوں میں کسی کورونا مریض کی حالت تشویشناک نہیں ہوئی،این سی او سی

مجموعی طور پر 4707 مریضوں کی حالت تشویشناک ،5200 مریض صحتیاب ہوئے

24گھنٹوں میں کسی کورونا مریض کی حالت تشویشناک نہیں ہوئی،این سی او سی
اسلام آباد (اُردو پوائنٹ اخبارتازہ ترین - این این آئی۔ 12 مئی2021ء)نیشنل کمانڈ اینڈ آپریشن سینٹر (این سی او سی) نے کہا ہے کہ 24گھنٹوں میں مزید کسی کورونا مریض کی حالت تشویشناک نہیں ہوئی۔این سی او سی کے مطابق ملک میں کورونا وائرس کے مجموعی طور پر 4707 مریضوں کی حالت تشویشناک ہے اور 24 گھنٹے میں کورونا کے 5200 مریض صحتیاب ہوئے۔

(جاری ہے)

سرکاری اعداد و شمار کے مطابق پنجاب میں کورونا مریضوں کی تعداد 3 لاکھ 22 ہزار 117 جبکہ سندھ میں 2 لاکھ 94 ہزار 251 ہو گئی ہے اس کے علاوہ خیبر پختونخوا میں کورونا مریضوں کی تعداد 1 لاکھ25 ہزار392، اسلام آباد میں 78 ہزار 560 اور بلوچستان میں 23 ہزار 655 ہو گئی ہے۔

نیشنل کمانڈ اینڈ آپریشن سینٹر کے مطابق آزاد کشمیر میں کورونا کے مریضوں کی تعداد 18 ہزار 56 ہو گئی ہے ،گلگت بلتستان میں کورونا مریضوں کی تعداد 5 ہزار407 ہو گئی ہے۔این سی او سی کے مطابق24 گھنٹوں 13 ہزار 570 افراد کی مکمل ویکسینشین کر دی گئی اور ملک میں اب تک 9 لاکھ 52 ہزار 518 افراد کی مکمل ویکسینیشن کی جا چکی ہے۔اعداد و شمار کے مطابق 24 گھنٹے میں 1 لاکھ 9 ہزار 395 افراد کی جزوی ویکسینیشن کی گئی اور ملک میں اب تک 18 لاکھ 59 ہزار 208 افراد کی جزوی ویکسینشین ہو چکی ہے۔

Your Thoughts and Comments