بند کریں
صحت صحت کی خبریںنابیناوٴں کے لیے ’فنگر ریڈر‘، پڑھنے کا نیا آلہ ایجاد

صحت خبریں

وقت اشاعت: 10/07/2014 - 15:24:37 وقت اشاعت: 10/07/2014 - 13:52:57 وقت اشاعت: 10/07/2014 - 12:59:00 وقت اشاعت: 10/07/2014 - 11:36:26 وقت اشاعت: 09/07/2014 - 18:39:56 وقت اشاعت: 09/07/2014 - 14:27:14 وقت اشاعت: 09/07/2014 - 13:35:49 وقت اشاعت: 08/07/2014 - 19:43:03 وقت اشاعت: 08/07/2014 - 18:55:19 وقت اشاعت: 08/07/2014 - 18:45:33 وقت اشاعت: 08/07/2014 - 18:18:15

نابیناوٴں کے لیے ’فنگر ریڈر‘، پڑھنے کا نیا آلہ ایجاد

واشنگٹن (اُردو پوائنٹ تازہ ترین اخبار۔9جولائی 2014ء)امریکی سائنسدانوں نے ایک ایسا آلہ ایجاد کیا ہے، جس کی مدد سے بصارت سے محروم یا کم بینائی کے حامل افراد بھی آسانی کے ساتھ کتابیں وغیرہ پڑھ سکیں گے۔نابینا یا انتہائی کمزور بصارت والے افراد کے لیے یہ آلہ امریکا میں قائم میساچیوسٹس انسٹیٹیوٹ آف ٹیکنالوجی میں تیار کیا گیا ہے۔ اسے اگر شہادت کی انگلی پر پہن لیا جائے تو ایسے افراد کو کتابیں وغیرہ پڑھنے میں کوئی مشکل پیش نہیں آئے گی۔

اس آلے کو انگلی میں پہننے کے بعد ان افراد کی طبع شدہ الفاظ تک فوری رسائی ہو جائے گی۔ اس آلے کو ’فنگر ریڈر‘ کا نام دیا گیا ہے۔ اسے ایک تھری ڈی پرنٹر کی مدد سے تیار کیا گیا ہے۔بتایا گیا ہے کہ اسے بالکل ایک انگوٹھی یا چَھلّے کی طرح انڈیکس فنگر میں پہنا جائے گا۔ اس میں ایک انتہائی چھوٹا سا کیمرہ لگا ہو گا، جس میں الفاظ کو اسکین کرنے کی صلاحیت موجود ہو گی۔

بعد ازاں یہ الفاظ آواز کی صورت میں سنائی دیں گے۔ اس طرح بہت تیزی سے کتابیں، ریستورانوں کے مینیو یا اسی طرح کی دیگر دستاویزات کا ترجمہ کیا جا سکے گا۔ اس کی مدد سے پڑھنا اتنا آسان ہے جیسے آپ اپنی انگلی کسی تحریر پر رکھے پڑھتے چلے جا رہے ہوں۔یہ سافٹ ویئر روئے شلکروٹ نے تیار کیا ہے۔ وہ بتاتے ہیں کہ یہ سافٹ ویئر انگلیوں کی حرکت کو ٹریک کرتے ہوئے الفاظ کو پہچانتا اور انہیں پروسیس کرتا ہے۔

اس آلے میں ایک سینسر بھی لگا ہوا ہے اور جیسے ہی قاری پڑھنا شروع کرتا ہے، تو وہ اسے وائبریشن کے ذریعے مطلع کر دیتا ہے۔62 سالہ جیری بیریئر پیدائشی نابینا ہیں۔ وہ کہتے ہیں کہ ’فنگر ریڈر‘ عام زندگی میں انتہائی کارآمد ثابت ہو گا۔ ”میں جب ڈاکٹر کے پاس جاتا ہوں، تو وہاں پر کبھی کبھار ایسے فارم بھی دیے جاتے ہیں، جنہیں پڑھنے کے بعد دستخط کرنا ہوتے ہیں۔“ اس نے مزید کہا کمزور بصارت رکھنے والوں اور نابینا افراد کے لیے اور بھی آلے دستیاب ہیں لیکن ان میں سیکسی میں بھی پڑھ کر سنانے کی صلاحیت نہیں ہے۔۔

09/07/2014 - 14:27:14 :وقت اشاعت