- Home
- Health
- Health News
- مویشی پالنے والوں،مویشیوں کے بیوپاریوں،قصابوں اور ڈاکٹروں کو کانگو وائرس سے بچاؤ کیلئے حفاظتی ..
مویشی پالنے والوں،مویشیوں کے بیوپاریوں،قصابوں اور ڈاکٹروں کو کانگو وائرس سے بچاؤ کیلئے حفاظتی اقدامات کی ہدایت
بدھ 16 جولائی 2014 17:32
لاہور ( اُردو پوائنٹ تاز ترین اخبار۔ 16جولائی 2014ء) مشیر وزیراعلی پنجاب برائے صحت خواجہ سلمان رفیق نے کانگو وائرس سے بچاؤ کے لئے مویشی پالنے والوں، مویشیوں کے بیوپاریوں،قصابوں اور ہسپتالوں میں ڈاکٹرز اور دیگر سٹاف کو حفاظتی اقدامات کے بارے میں ضروری آگاہی مہم چلانے کی ہدایت کی ہے، انہوں نے محکمہ صحت کے حکام کو ہدایت کی ہے کہ کانگو بخار کے مریضوں کا علاج کرنے والے ڈاکٹروں اور نرسوں کو حفاظتی کٹس فراہم کی جائیں۔
انہوں نے یہ بات بدھ کے روز یہاں صوبے میں کانگو وائرس کی صورتحال اور موسم بہار میں بھیڑ، بکریوں اور دیگر پالتو جانورں میں چیچڑوں کی افزائش اور عیدالاضحی کے موقع پر قربانی کے جانوروں کی بڑے پیمانے پر نقل وحمل کو مد نظر رکھتے ہوئے کانگو وائرس کے ممکنہ خدشہ کے پیش نظر حفاظتی اقدامات کے سلسلہ میں اجلاس کی صدارت کرتے ہوئے کہی۔(جاری ہے)
اجلاس میں ڈائریکٹر جنرل ہیلتھ ڈاکٹر زاہد پرویز، ایڈیشنل سیکرٹری صحت( ٹیکنیکل) ڈاکٹر سلمان شاہد، ڈین آئی پی ایچ پروفیسر معاذ احمد،چیف بیکٹریالوجسٹ پنجاب ڈاکٹر زرفشاں طاہر، عالمی ادارہ صحت کے ڈاکٹر جمشید، ڈائریکٹر ہیلتھ(CDC) ڈاکٹر احمد عفیفی، ایڈیشنل ڈائریکٹر جنرل ہیلتھ اپیڈیمک ایمر جنسی اینڈ رسپانس ڈاکٹر ظفر اسلام اور محکمہ لائیو سٹاک اینڈ ڈیری ڈویلپمنٹ کے افسران نے شرکت کی۔
اجلاس کو بتایا گیا کہ رواں سال میانوالی، چکوال، راولپنڈی، جھنگ اور ملتان سے کل 13 مریض رپورٹ ہوئے ہیں۔ لائیوسٹاک کے افسران نے بتایا کہ کانگو وائرس جانوروں کی جلد پر موجود چیچڑوں کے کاٹنے سے انسانوں میں منتقل ہوتا ہے اور کھلے میدانوں،چراگاہوں والے علاقے میں زیادہ پایا جاتا ہے۔ انہوں نے بتایا کہ عیدالاضحی کے موقع پر قربانی کے جانوروں کی بڑے پیمانے پر نقل وحمل کے علاوہ مویشی منڈی میں لائے جانے والے ہزاروں جانوروں کی وجہ سے بھی یہ مرض پھیلنے کے امکانات رہتے ہیں۔ڈاکٹر ظفر اسلام نے بتایا کہ کانگو وائرس کی علامات ڈینگی سے مماثلت رکھتی ہیں اور کانگو بخار میں بھی ہیمریجک فیور ہوتا ہے تاہم ڈینگی انسانوں سے انسانوں میں منتقل نہیں ہوتا جبکہ کانگو وائرس ایک متاثرہ شخص کے خون اور دیگررطوبتوں کے لگنے سے تندرست آدمی میں منتقل ہو جاتا ہے۔خواجہ سلمان رفیق نے ہدایت کہ عیدالاضحی سے قبل متاثرہ اضلاع میں خصوصی طور پر قصابوں، مویشی پالنے والے افراد اور مویشی منڈیوں کے بیوپاریوں کے لئے ضلعی انتظامیہ کے تعاون سے آگاہی سیمینارزمنعقد کرائے جائیں اورڈاکٹروں کو کانگو وائرس کے مریض کو ہینڈل کرنے کے سلسلہ میں ضروری تربیت کا فوری اہتمام کیا جائے۔ انہوں نے ہسپتالوں میں حفاظتی کٹس کی فراہمی کو یقینی بنانے کی بھی ہدایت کی۔Browse Latest Health News in Urdu
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر
صوبے بھر میں 35 نئے مریضوں میں ڈینگی کی تصدیق
موسمیاتی تبدیلیوں کے باعث دنیا بھر میں ملیریا کے کیسز کی تعداد میں نمایاں اضافہ