بند کریں
صحت صحت کی خبریںسٹیٹ آف آرٹ طبی سہولتوں کی فراہمی حکومت کے ایجنڈے میں سرفہرست ہے‘ مجتبیٰ شجاع الرحمن

صحت خبریں

وقت اشاعت: 23/07/2014 - 16:54:07 وقت اشاعت: 23/07/2014 - 15:20:17 وقت اشاعت: 22/07/2014 - 20:50:53 وقت اشاعت: 22/07/2014 - 19:54:59 وقت اشاعت: 22/07/2014 - 16:58:50 وقت اشاعت: 22/07/2014 - 14:46:07 وقت اشاعت: 22/07/2014 - 14:37:19 وقت اشاعت: 22/07/2014 - 12:32:34 وقت اشاعت: 21/07/2014 - 21:14:17 وقت اشاعت: 21/07/2014 - 19:36:29 وقت اشاعت: 21/07/2014 - 19:34:19

سٹیٹ آف آرٹ طبی سہولتوں کی فراہمی حکومت کے ایجنڈے میں سرفہرست ہے‘ مجتبیٰ شجاع الرحمن

لاہور ( اُردو پوائنٹ اخبار تازہ ترین۔22جولائی۔2014ء) وزیر ایکسائز و ٹیکسیشن ، خزانہ پنجاب مجتبیٰ شجاع الرحمن نے کہا ہے کہ ہیلتھ سینٹرز پر تمام عدم دستیاب سہولتوں کی فراہمی یقینی بنائی جارہی جبکہ صوبہ کے دوردراز دیہی علاقوں میں ماں اور بچوں کی صحت کے لئے زچہ و بچہ سینٹرز کے قیام کے ساتھ ساتھ ان مراکز پر لیڈی ڈاکٹرز‘ لیڈی ہیلتھ ورکرز‘ تربیت یافتہ کمیونٹی مڈ وائفز و دیگر طبی سٹاف کی تعیناتی کو یقینی بنایا جائے گا،صوبہ میں نرسز کی 3 ہزار نئی آسامیاں منظور کی گئی ہیں جن کے لئے 1.43 ارب روپے مختص کئے گئے ہیں اور ان کی بھرتی کا عمل شروع کر دیا گیا ہے ۔

پیرا میڈکس ، نرسزاور پارٹی ورکرز کے وفود سے گفتگو کرتے ہوئے مجتبیٰ شجاع الرحمن نے کہا کہ وزیراعلی پنجاب محمد شہباز شریف کی ہدایت پر حکومت نے ہر سال صحت کے بجٹ میں اضافہ کیا ہے اور موجودہ مالی سال کے دوران صحت کی سہولیات کی فراہمی کیلئے 121-ارب 80 کروڑ روپے مختص کئے گئے ہیں جو پنجاب کے بجٹ کا11.66 فیصد ہے ۔ا نہوں نے کہا کہ 4- ارب روپے سے ہیلتھ انشورنس سکیم کا اجراء بھی کیا جارہا ہے جس سے کم آمدنی والے افراد سرکاری ہسپتالوں کے علاوہ بہترین نجی طبی اداروں میں علاج کی مفت سہولت حاصل کر سکیں گے۔

مجتبیٰ شجاع الرحمن نے کہا کہ موجودہ حکومت نے صحت کی سٹیٹ آف دی آرٹ سہولتوں کی فراہمی کواپنے ایجنڈے میں سرفہرست رکھا ہے جبکہ موجودہ حکومت کے برسراقتدار آنے سے قبل صحت عامہ کا نظام شہریوں کو مقدار اور معیار دونوں لحاظ سے سہولیات فراہم کرنے سے قاصر تھا اور ہماری ترجیحات میں عوام کو صحت کی بنیادی سہولتیں فراہم کرنا شامل ہے ۔انہوں نے کہا کہ حکومت نے گزشتہ چھ برس کے دوران صوبہ میں صحت کے بجٹ میں بتدریج اضافہ کیا ہے۔ انہوں نے کہا کہ کم وسیلہ افراد کو صحت کی معیاری سہولیات و ادویات کی فراہمی کے لئے 8 -ارب75 کروڑ روپے مختص کئے گئے ہیں۔انہوں نے کہا کہ ماں و بچوں کی صحت کے منصوبوں کے لئے 1 ارب 80 کروڑ روپے فراہم کئے گئے ہیں ۔

22/07/2014 - 14:46:07 :وقت اشاعت