پشاور کے 3تدریسی ہسپتالوں میں کورونا مریضوں کی تعدادمیں بتدریج کمی

پشاور کے 3تدریسی ہسپتالوں میں کورونا مریضوں کی تعدادمیں بتدریج کمی
پشاور(اُردو پوائنٹ اخبارتازہ ترین - اے پی پی۔ 16 اکتوبر2021ء)پشاور کے 3تدریسی ہسپتالوں میں کورونا مریضوں کی تعدادمیں بتدریج  کم ہوکر 190ہو گئی۔تفصیلات کے مطابق ہسپتال انتظامیہ کے مطابق حیات آباد میڈیکل کمپلیکس میں کورونا مریضوں کی تعداد94ہو گئی ہے جبکہ ہسپتال میں کورونا کے مریضوں کیلئے122بیڈزمختص ہیں، ہسپتال میں کل وینٹیلیٹرز کی تعداد68ہے اورکورونا وائرس کے مریضوں کیلئے38وینٹیلیٹرز مختص کئے گئے ہیں جن پر20مریض زیرعلاج ہیں،کورونا وائرس کے6نئے مریضوں کو ہسپتال میں داخل کیا گیا اور کورونا وائرس کے7مریضوں کو صحت یابی کے بعد ڈسچارج کر دیا گی ، ہسپتال میں کورونا وائرس سے کسی مریض کی موت کی تصدیق نہیں ہوئی۔

ہسپتال انتظامیہ کے مطابق خیبر ٹیچنگ ہسپتال میں کورونا مریضوں کی تعداد50ہو گئی جبکہ ہسپتال میں کورونا کے مریضوں کیلئے122بیڈز مختص ہیں، 28وینٹی لیٹرز کورونا مریضوں کے لئے مختص ہیں،ہسپتال میں28مریض انتہائی نگہداشت اور وینٹی لیٹرز پر ہیں اور اس وقت ایچ ڈی یو میں12مریض زیر علاج ہیں جبکہ کم مقدار آکسیجن پر27مریض زیر علاج ہیں جن کیلئے31بیڈز مختص ہیں،4مزید کورونا کے مریض ہسپتال میں داخل ہو چکے ہیں،گزشتہ 24گھنٹوں کے دوران ہسپتال میں4 مریض کی موت کی تصدیق ہوئی ہےہسپتال میں کورونا کے67بیڈز خالی ہیں۔

(جاری ہے)

ہسپتال انتظامیہ کے مطابق لیڈی ریڈنگ ہسپتال میں کوروناکے مریضوں کی تعداد46ہو گئی، گزشتہ 24گھنٹوں کے دوران ہسپتال میں 2نئے کورونا کے مریض داخل ہوئے ہیں جبکہ آئی سی یو میں14مریض وینٹیلیٹر پر ہیں۔

Your Thoughts and Comments