این سی او سی کی ویکسی نیشن کے لازمی نظام کے تحت بہتر ویکسی نیشن مہم کے لیے صوبوں کی ستائش

این سی او سی کی  ویکسی نیشن کے لازمی نظام کے تحت بہتر ویکسی نیشن مہم کے لیے صوبوں کی ستائش
اسلام آباد(اُردو پوائنٹ اخبارتازہ ترین - اے پی پی۔ 26 اکتوبر2021ء)نیشنل کمانڈ اینڈ آپریشن سینٹر (این سی او سی) نے منگل  کو 15 اکتوبر سے شروع کیے جانے والی لازمی ویکسی نیشن نظام کے تحت ویکسی نیشن مہم کوفروغ دینے کے لیے آزاد جموں و کشمیر اور گلگت بلتستان سمیت دیگر صوبوں کی تعریف کی۔ نیشنل کوآرڈینیٹر میجر جنرل ظفر اقبال کی زیر صدارت این سی او سی کے اجلاس میں وبائی مرض کے چارٹ کے اعداد و شمار، ویکسی نیشن کے اہداف اور ویکسی نیشن کے لازمی نظام پر پیش رفت کا تفصیلی جائزہ لیا گیا۔

اجلاس میں وزیراعظم کے معاون خصوصی برائے صحت ڈاکٹر فیصل سلطان نے بھی شرکت کی جہاں صوبائی چیف سیکرٹریز ویڈیو لنک کے ذریعے کانفرنس میں شامل ہوئے۔ فورم کو بریفنگ دی گئی کہ ملک بھر کے تمام اضلاع میں کورونا  وائرس کی وبا کا پھیلاؤ 5 فیصد سے کم ہے۔

(جاری ہے)

تاہم تمام صوبائی انتظامیہ نے ویکسی نیشن کے لازمی نظام کے تحت کورونا ویکسین لگانے کا مؤثر طریقے سے انتظام کیا۔

مزید فورم نے وفاقی اکائیوں کو ہدایت کی کہ وہ تمام شعبوں میں کورونا ویکسین نہ لگوانے والے افراد کی خدمات سے انکار پر سختی سے عملدرآمد کو یقینی بنائیں اور موبائل ٹیمز کے ذریعے موقع پر ہی ویکسی نیشن کو یقینی بنائیں۔ فورم نے صوبوں کو یہ بھی ہدایت کی کہ وہ بڑے شہری مراکز میں ویکسی نیشن میں اضافہ کریں جہاں ویکسی نیشن کی شرح نسبتاً کم ہے۔

Your Thoughts and Comments