قدیم ایسکیمو کی تاریخ: چھ ہزار سال سے اب تک شمالی امریکہ کا قطبی حصہ کیسے آباد ہوا، نئی ’جینیاتی قدیم تاریخ پر تحقیق

ہفتہ 30 اگست 2014 14:38

لندن(اُردو پوائنٹ اخبار تازہ ترین۔30اگست۔2014ء) ایک نئی ’جینیاتی قدیم تاریخ‘ میں اس بات پر روشنی ڈالی گئی ہے کہ چھ ہزار سال سے اب تک شمالی امریکہ کا قطبی حصہ کیسے آباد ہوا۔برطانوی نشریاتی ادارے کے مطابق اس علاقے میں رہنے والے قدیم اور نئے باسیوں کے ڈی این اے کے تجزیے سے پتہ چلا ہے کہ سائبیریا سے یہاں ایک ہی بار ایک ہجرت ہوئی تھی جس نے تمام ’قدیم اسکیمو‘ ثقافتوں کو جنم دیا تھا۔

یہ ثقافتیں آج سے سات سو سال قبل فنا ہو گئی تھیں۔آج کے دور کے اِنوْوٹ (inuit) اور آبائی امریکی باشندوں کی آبادیاں الگ الگ ہجرتوں کا نتیجہ ہیں۔ اس سے قبل اس علاقے کے ماقبل تاریخ دور کے بارے میں معلومات صرف آثارِ قدیمہ تک محدود تھیں۔اس تحقیق میں دنیا بھر کے اداروں سے تعلق رکھنے والے سائنس دانوں نے حصہ لیا ہے اور یہ جریدے ’سائنس‘ میں شائع ہوئی ہے۔

(جاری ہے)

قطبی علاقے کے باسیوں کے بارے میں شمالی امریکہ کے ماقبل تاریخ دانوں کے درمیان خاصے اختلاف رہے ہیں۔یونیورسٹی آف کوپن ہیگن کے پروفیسر ایسکے ولرسلیو نے بتایا: ’1920 کے بعد سے اس بات پر بڑی بحث ہوتی رہی ہے کہ شمالی امریکہ کے مختلف ثقافتی گروہوں کے درمیان کیا رشتہ رہا ہے۔ اس بارے میں طرح طرح کے مفروضے پیش کیے جاتے رہے ہیں۔شمالی امریکہ میں تین مختلف گروہ آباد رہے ہیں۔

سکاک ڈھائی ہزار سال قبل، اس کے بعد ڈورسیٹ ثقافت، اور پھر ایک ہزار سال قبل تھولے قبائل، جو آج کے انووٹ کے آبا و اجداد ہیں۔تحقیق کے دوران ڈیڑھ سو سے زیادہ قدیم لاشوں کی باقیات سے ڈی این اے اکٹھا کیا گیا۔ جس سے معلوم ہوا کہ تمام ڈورسیٹ اور سکاک ایک ہی جینیاتی سلسلے سے تعلق رکھتے ہیں۔ اس گروہ کو ’قدیم ایسکیمو‘ کا نام دیا گیا ہے اور یہ سب لوگ آج سے چھ ہزار سال قبل خلیج بیرنگ عبور کر کے سائبریا سے شمالی امریکہ میں داخل ہوئے تھے۔

ایک تحقیق کار ڈاکٹر ماناسا راگھون نے اس کی تشریح کرتے ہوئے بتایا: ’ایک واحد آبادی قطبی علاقے میں آ کر آباد ہو گئی اور پانچ ہزار سال تک اس خطے کے سخت ترین ماحول میں رہی۔ اس دوران ان کی ثقافتیں اور طرزِ زندگی اس حد تک بدل گئے کہ انھیں الگ الگ آبادیاں سمجھا جاتا رہا۔اس تحقیق سے یہ بھی معلوم ہوتا ہے کہ قدیم ایسکیمو ثقافت آج سے سات سو سال قبل اچانک فنا ہو گئی۔ اس دوران ان میں اور جدید انووٹ کے آبا و اجداد تھولے میں کسی قسم کا اختلاط نہیں ہوا، جو سائبیریا سے ایک اور الگ ہجرت کے نتیجے میں وجود میں آئے تھے۔اس ثقافت کے اچانک خاتمے سے بعض ماہرین نے مفروضہ ظاہر کیا ہے کہ ہو سکتا ہے کہ تھولے نے ان کی نسل کشی کی ہو، تاہم اس سلسلے میں واضح شواہد نہیں مل سکے۔

Facebook Twitter Reddit Pinterest Whatsapp

Browse Latest Health News in Urdu

ڈریپ نے معدے کے علاج کی دوا کا ایک بیچ غیر معیاری قرار دے دیا

ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی

پاکستان میں مقامی طور پر انسولین کی پیداوار شروع کرنے کا مطالبہ

موٹاپے کے سبب کم عمر لڑکیوں میں جوڑوں کی تکلیف کا انکشاف

سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں

پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ

6 گھنٹے سے کم کی نیند ذیا بیطس کے اضافی خطرات کا سبب قرار

ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط

2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے

پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی

وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو

برطانیہ ،چھینک روکنے کی کوشش پرنوجوان کی سانس کی نالی پھٹ گئی

30 سال میں امراض قلب سے اموات 60 فیصد بڑھ گئیں

شادی کے بعد ہائی بلڈ پریشر کا خطرہ بڑھ جاتا ہے، تحقیق

24 گھنٹے کے دوران صوبے بھر میں 64نئے مریضوں میں ڈینگی کی تصدیق

کراچی ٹائون پلاننگ سے محروم ملک کا سب سے بڑا شہر