ڈاؤ یونیورسٹی آف ہیلتھ سائنسز، چھاتی کے سرطان پر دوروزہ طبی آگاہی سیمینارکا آغاز9اکتوبرسے ہوگا

کراچی (اُردو پوائنٹ اخبار تازہ ترین۔11ستمبر۔2014ء) چھاتی کا سرطان خواتین میں سب سے عام ہے اور یہ خواتین میں موت کی دوسری بڑی وجہ ہے۔ ایک اندازے کے مطابق، دنیا بھر میں ہر سال ایک ملین چھاتی کے سرطان تشخیص ہوتے ہیں۔ عوام الناس میں شعور وآگاہی فراہم کرنے کے عزم کے تحت سول ہسپتال سرجیکل یونٹ ون،ڈاؤ یونیورسٹی آف ہیلتھ سائنسز، چھاتی کے سرطان پر دوروزہ طبی آگاہی سیمینار کا انعقاد کررہی ہے جس کا مقصد خواتین میں چھاتی کے سرطان، اس کی تشخیص اور علاج کے بارے میں آگاہی فراہم کرنا ہے۔