- Home
- Health
- Health News
- 80فیصد ڈینگی لاروا روم کولرز سے رپورٹ ہورہاہے، عوام روم کولرز کا پانی خشک کردیں‘ خواجہ سلمان ..
80فیصد ڈینگی لاروا روم کولرز سے رپورٹ ہورہاہے، عوام روم کولرز کا پانی خشک کردیں‘ خواجہ سلمان رفیق
لاہور( اُردو پوائنٹ اخبار تازہ ترین۔17ستمبر۔2014ء ) مشیر وزیراعلیٰ پنجاب برائے صحت خواجہ سلمان رفیق نے کہا ہے کہ 80فیصد ڈینگی لاروا روم کولرز سے رپورٹ ہورہاہے، عوام ڈینگی مچھر سے محفوظ رہنے اور اس بیماری کو پھیلنے سے روکنے کے لیے اپنے گھروں کے روم کولرز خشک کردیں،ڈینگی کی روک تھام کے لیے وزیراعلیٰ محمد شہبازشریف کی قیادت میں صوبائی محکمے جتنی محنت کررہے ہیں اتنی محنت دنیا میں کم ہی نظر آتی ہے۔
انہوں نے یہ بات سول سیکرٹریٹ میں کابینہ کمیٹی برائے ڈینگی کے اجلاس کی صدارت کرتے ہوئے کہی۔ اجلاس میں ڈائریکٹر جنرل ہیلتھ ڈاکٹر زاہد پرویز سمیت تمام متعلقہ محکموں کے سینئر افسران، ڈی سی او لاہور کیپٹن (ر) محمد عثمان تمام ٹاؤنز کے افسران اور طبی ماہرین نے شرکت کی۔(جاری ہے)
خواجہ سلمان رفیق نے کہا کہ سیلاب کی وجہ سے مریدکے اور فیروز والا میں ڈینگی مچھر کی افزائش اور ڈینگی کے مریضوں میں اضافہ دیکھنے میں آرہاہے لہٰذا متعلقہ افسران اور تحصیل انتظامیہ دونوں علاقوں میں انسداد ڈینگی کے اقدامات پر بھرپور توجہ دیں۔
ڈی سی او لاہور کیپٹن (ر) محمد عثمان نے بریفنگ دیتے ہوئے بتایا کہ 16ستمبر کو صرف ایک دن میں21ہزار سے زائد گھروں میں سرویلنس کی گئی اور 119گھروں سے لاروا برآمد ہوا اسی طرح آؤٹ ڈور میں8ہزار سے زائد جگہوں پر ڈینگی سرویلنس کی گئی تو 73جگہوں سے ڈینگی لاروا برآمد ہوا۔ ڈی سی او لاہور نے مزید بتایا کہ یکم ستمبر سے 16ستمبر کے دوران ڈینگی ریگولیشنز کی خلاف ورزی کرنے پر مختلف لوگوں کے خلاف 190مقدمات درج کئے گئے اور 28گرفتاریاں بھی کی گئیں۔ خواجہ سلمان رفیق نے مزید کہا کہ ڈینگی ایک سوشل پرابلم بھی ہے لہٰذا کمیونٹی کو زیادہ سے زیادہ آن بورڈ لینے کی ضرورت ہے انہوں نے محکمہ تعلیم کے افسران سے کہا کہ ہائی سکولوں اور کالجوں کے طلبا کو ڈینگی بارے آگاہی اور کمیونٹی موبلائزیشن کے لیے سوشل ورک دینے کا پروگرام وضع کیا جائے تاکہ بڑی کلاسوں کے طلبا چند گھنٹوں کے لیے اپنے سکول یا کالج کے ارد گردو نواح میں اپنے اساتذہ کے ساتھ گھر گھر جاکے ڈینگی کے خلاف لوگوں کو متحرک کرسکیں، اجلاس میں لاہور کے تمام ٹاؤنز کے انچارج افسران، کنٹونمنٹ بورڈز کی انتظامیہ ، ای ڈی او صحت لاہور، ڈینگی سرویلنس میں مصروف تمام متعلقہ محکموں اور ایجنسیوں کے افسران نے اپنے اپنے ادارے کی کارکردگی بارے بریفنگ دی۔ایڈیشنل ڈائریکٹر جنرل ہیلتھ ویکٹر بارن ڈیزیز ڈاکٹر اسلام ظفر نے بتایا کہ رواں سال اب تک ڈینگی کے کنفرم مریضوں کی تعداد 61ہوگئی ہے جبکہ گزشتہ سال یہ تعداد 139ریکارڈ کی گئی تھی ۔ ڈاکٹر اسلام ظفر نے مزید بتایا کہ اس وقت میو ہسپتال میں 9اور ہولی فیملی ہسپتال راولپنڈی میں ڈینگی بخار کے 4مریض زیر علاج ہیں اور سب مریضوں کی حالت تسلی بخش ہے۔Browse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر