آزاد کشمیر کے تمام اضلاع میں گھر گھر پولیو مہم کا آغاز کردیا گیا

مظفرآباد(اُردو پوائنٹ اخبار تازہ ترین۔27ستمبر۔2014ء)آزادکشمیر کے تمام اضلاع مظفرآباد، نیلم،ہٹیاں بالا،باغ،حویلی،پونچھ،سدھنوتی،کوٹلی ،میرپور اور بھمبر میں تین روزہ29ستمبر تا یکم اکتوبر2014 گھر گھر پولیو کے قطرے پلانے کی ریاست گیرمہم کا آغاز گزشتہ روزکر دیا گیا۔محکمہ صحت آزادکشمیر نے اس مہم کو کامیاب بنانے کیلئے بھرپور اقدامات کئے ہیں۔

اس سلسلہ میں مرکزی تقریب اپر چھترمنعقد ہوئی جس میںآ زادکشمیر کے وزیر خزانہ چوہدری لطیف اکبر نے ضلعی صحت افسر کے دفتر میں ایک بچے کو قطرے پلا کر مہم کا آغاز کیا۔اس موقع پر ڈاکٹر سردار شبیر احمد خان پروگرام منیجر ای پی آئی آزادکشمیر نے وزیر خزانہ اور میڈیا کو بریفنگ دیتے ہوئے بتایا کہ گو کہ ریاست جموں وکشمیر پولیو فری سٹیٹ ہے تاہم پھر بھی اس مہم کے دوران 698984بچوں کو پولیو ویکسین اور وٹامن اے کے قطرے پلائے جائینگے۔

(جاری ہے)

جس کیلئے 1987ٹیمیں 395فکس سینٹرز اور 122ٹرانزٹ پوائنٹس قائم کیے گئے ہیں۔ تمام فکس سینٹرز صبح 8:00بجے سے شام 4:00بجے تک مہم میں مصروف رہیں گے۔ انہوں نے کہا کہ اس مہم کی سپرویثرن کے لیے 34تحصیل سپروئزر اور 469ایریا انچارج مقرر کیے گئے ہیں جو ٹیموں کی نگرانی کے ساتھ ساتھ ان کو ویکسین اور دیگر ضروری سامان موقع پر فراہم کریں گے۔ہر ضلع میں DHOاور DCآفس میں پولیو کنٹرول روم قائم کیے گئے ہیں اس کے علاوہ مرکزی سطح پر پراونشل پروگرام منیجر ای پی آئی اے جے کے دفتر اپر چھتر مظفرآباد میں بھی پولیو کنٹرول روم قائم کیا گیا ہے جس کا فون نمبر 05822-921180ہے جہاں پر پولیو مہم کی روزانہ کی کارکردگی کو مانیٹر کیا جائیگا۔

انہوں نے اس سلسلہ میں عوام الناس سے التماس کی کہ پولیو گھر گھر مہم میں مامور عملہ سے بھرپور تعاون کریں اور اگر کسی بھی وجہ سے آپ کا بچہ پولیو کے قطرے پینے سے رہ جائے تو ضلعی کنڑول روم کو مطلع کیا جائے تاکہ والدین اور عوام الناس کی باہمی روابط سے پانچ سال تک کوئی بچہ پولیو کے قطرے پینے سے محروم نہ رہے۔انہوں نے آزادکشمیربھر میں والدین،اساتذہ ،وکلاء، شہریوں، ملازمین ،مزدور اور ہر مکتبہ فکر سے تعلق رکھنے والے افراد سے اپیل کی کہ وہ گھر گھر آنے والی ٹیموں کے ساتھ بھرپور تعاون کریں اور بچوں کو حفاظتی قطرے پلوانے میں اپنا مثبت کردار ادا کریں تاکہ یہ قومی مہم کامیابی سے ہمکنار ہو۔

انہوں نے کہا کہ گزشتہ 14سالوں سے آزادکشمیر پولیو فری ہے یہ تب ہی ممکن ہوا ہے کہ حکومت آزادکشمیر کی ذاتی دلچسپی ،ممبران اسمبلی ،ضلعی انتظامیہ ،محکمہ صحت کے آفیسران ،اہلکارن ،میڈیا اور عوام الناس نے تعاون کیا۔ اگر اسی طرح تمام والدین اپنے بچوں کو پولیو کے قطرے پلانے کے ساتھ ساتھ حفاظتی ٹیکہ جات کو بھی یقینی بنائیں تو بہت جلد ملک سے ان مہلک بیماریوں کا خاتمہ ہو جائیگا۔ انہوں نے میڈیا سے خصوصی درخواست کی کہ یہ پیغام تمام لوگوں تک پہنچانے کے لیے محکمہ صحت عامہ کے ساتھ بھرپور تعاون کرتے ہوئے اس قومی فریضہ میں اپنی ملی بیداری کا ثبوت دیں تاکہ آزادکشمیر سے پولیس جیسی موذی مرض کا مکمل خاتمہ ہو سکے۔

Facebook Twitter Google + Share on Whatsapp

آزاد کشمیر کے تمام اضلاع میں گھر گھر پولیو مہم کا آغاز کردیا گیا

Your Thoughts and Comments

مزید صحت سے متعلق خبریں