بند کریں
صحت صحت کی خبریںراولپنڈی میں انسداد ڈینگی کا ہنگامی مائیکرو پلان تیار کر لیاگیا‘ خواجہ سلمان رفیق روزانہ ..

صحت خبریں

وقت اشاعت: 11/10/2014 - 12:25:33 وقت اشاعت: 10/10/2014 - 23:18:24 وقت اشاعت: 10/10/2014 - 18:22:08 وقت اشاعت: 10/10/2014 - 17:25:37 وقت اشاعت: 10/10/2014 - 17:12:16 وقت اشاعت: 10/10/2014 - 16:58:54 وقت اشاعت: 10/10/2014 - 16:23:04 وقت اشاعت: 10/10/2014 - 16:23:04 وقت اشاعت: 10/10/2014 - 14:55:52 وقت اشاعت: 10/10/2014 - 14:33:45 وقت اشاعت: 10/10/2014 - 12:29:10

راولپنڈی میں انسداد ڈینگی کا ہنگامی مائیکرو پلان تیار کر لیاگیا‘ خواجہ سلمان رفیق روزانہ کی بنیاد پر تمام اداروں کی کارکردگی کا جائزہ لیا جائے گا، متاثرہ یونین کونسلوں کو ریڈ مارک کردیاگیا شدید متاثرہ علاقوں میں ڈینگی لاروا کی تلفی کے لئے کارپٹ فوگنگ جاری، شہری ہر ممکن احتیاط برتیں‘ مشیر برائے صحت

لاہور (اُردو پوائنٹ اخبارتاز ترین ۔0 1اکتوبر 2014ء) مشیر صحت پنجاب خواجہ سلمان رفیق نے کہا ہے کہ راولپنڈی میں ڈینگی کے مریضوں کی بڑھتی ہوئی تعداد کے پیش نظر ضلعی انتظامیہ سمیت تمام سرکاری محکموں کو متحرک کر دیا گیا ہے اور تمام اداروں کے باہمی رابطے کے ساتھ ڈینگی پر قابو پانے کی کوششیں تیز تر کر نے کے لئے ہر ممکن اقدامات کئے جارہے ہیں، انہوں نے اگلے چند روز تک وہ خود راولپنڈی میں قیام کریں گے اور متاثرہ علاقوں اور ہسپتالوں کے اچانک دورے کرکے ڈینگی کے سدباب کے حکومتی اقدامات کو کامیاب بنایا جائے گا۔

انہو ں نے یہ بات کمشنر آفس راولپنڈی میں ایک اہم اجلاس کی صدارت کرتے ہوئے کہی جس میں کمشنر را ولپنڈی زاہد سعید ، ڈی سی او ساجد ظفر ڈال، ڈینگی کنٹرول پروگرام کے صوبائی کوآرڈینیٹر ڈاکٹر وسیم ،کیٹونمنٹ بورڈز انتظامیہ اور سرکاری محکموں کے افسران نے شرکت کی۔ خواجہ سلمان رفیق نے کہاکہ ضلعی انتظامیہ نے انسداد ڈینگی کی کوششوں کو مربط اور نتیجہ خیز بنانے کیلئے ڈینگی کنٹرول مائیکرو پلان تیار کرلیا ہے جس کے تحت متاثرہ یونین کونسلوں کی درجہ بندی کر دی گئی ہے اور جن مقامات سے ڈینگی کے زیادہ کیسز سامنے آ رہے ہیں انہیں ریڈ یونین کونسلز مارک کیا گیا ہے اور لیڈی ہیلتھ ورکز اور خاتون سینٹری پیٹرولز کی ٹیمیں تشکیل دے دی گئی ہیں جو گھر گھر جاکر ڈینگی کے سدباب کے اقدامات کی نگرانی کریں گی۔

اس کے علاوہ شدید متاثرہ علاقوں میں ڈینگی لاروا کی تلفی کے لئے کارپٹ فوگنگ بھی کی جا رہی ہے۔ خواجہ سلمان رفیق نے مزید کہاکہ راولپنڈی کے ہسپتالوں میں ڈینگی کے مریضوں کو خصوصی طبی سہولیات کی فراہمی کے لئے بیڈ زمخصوص کر دیئے گئے ہیں اور تمام ضروری ادویات بھی فراہم کردی گئی ہیں۔ مشیر صحت نے کہاکہ شہری بھی ڈینگی کنٹرول مہم میں بھرپور کردار ادا کرتے ہوئے اپنے علاقوں کوصاف ستھرا رکھنے میں مدد دیں اور گھروں کے اندر اور باہر کسی بھی مقام پر پانی جمع نہ ہونے دیں۔

کمشنر راولپنڈی زاہدسعید اور ڈی سی او راولپنڈی نے ڈینگی پر قابو پانے کے لئے ترتیب دیئے گئے پلان کی تفصیلات سے آگاہ کیا۔ ڈی سی ا و اٹک چوہدری حبیب اللہ نے بتایا کہ فتح جنگ کے زیر تعمیر انٹرنیشنل ائر پورٹ اورو ضلع کے دیگر علاقوں میں جہاں لاروا برآمد ہوا ہے وہاں ڈینگی سے بچاو کے خصوصی اقدامات اٹھائے گئے ہیں۔ کنٹونمنٹ بورڈ راولپنڈی اور چکلالہ کے افسران نے بھی اپنے علاقوں میں انسداد ڈینگی کے اقدامات سے آگاہ کیا۔

10/10/2014 - 16:58:54 :وقت اشاعت